مع ديوان (إغتيال قلب) للشاعر / جمال البيلي

أولا : الســيـرة الذاتــيـة للشـــاعــر / جــمــال البــيــلي

 

بسم الله الرحمن الرحيم                                                            

 الشــــاعـــر/ جــــمـــال البـــيـــلي

الســـــــــــيرة الذاتـــــــــــية

*الاسم : جمال أحمد طه محمد البيلي.

*الجنسية : مصري ومن مواليد مدينة الإسكندرية عام  1965

*موظف بالإدارة الهندسية لحي الجمرك بمدينة الإسكندرية سابقاً ويعمل حالياً مدوناً بدون أن يتقاضى أى أجر.

*فنان شامل في مجالات الأدب والموسيقي والفن التشكيلي وبدأ رحلته مع الفنون من عام1981 وحتي الآن.

*في مجال الأدب : يكتب جميع فنون الأدب العربي

حيث يكتب : الشعر الفصيح - الزجل والأغنية - القصة الزجلية ـ القصة القصيرة - المسرحية - الرواية.

*في مجال الموسيقي : عازف أورج وبيانو وله محاولات متعددة في الغناء والتلحين.

*في مجال الفن التشكيلي : مصور فوتوغرافي محترف ومتخصص في فن البورتريه.

إنجازاته مع الفنون :

ـ1ـ قام بتأليف أكثر من 35 كتاباً متنوعاً في شتي مجالات الأدب العربي نجح فيها في إضافة فكراً جديداً وأسلوباً مبدعاً للأدب العربي في العصر الحديث.

ـ2ـ حصل علي المركز الأول فى الشعر علي مستوي  جمهورية مصر العربية في المسابقة القومية الخاصة بحماية البيئة والتي نظمتها وزارة الشباب المصرية بمدينة كفر الشيخ في عام 2000.

ـ3ـ حصل علي المركز الأول في الزجل علي مستوي جمهورية مصر العربية في نفس المسابقة.

ـ4ـ حصل علي المركز الثاني في الأغنية علي مستوي جمهورية مصر العربية في المسابقة القومية (لا للتدخين) والتي أقامتها وزارة الشباب المصرية بمدينة كفر الشيخ في عام 1999.

ـ5ـ كما حصل علي المركز الأول في 4 مسابقات بمفرده وهي مسابقات الشعر والزجل والأغنية والقصة القصيرة علي مستوي مدينة الإسكندرية في تصفيات المسابقة السابقة.

ـ6ـ حصل علي العديد من الجوائز وشهادات التقدير علي أعلي المستويات.

ـ7ـ عضوعامل في إتحاد كتاب مصر.

ـ8ـ عضو جماعة الأدب العربي بالإسكندرية.

ـ9ـ عضو كورال سيد درويش بمركز الإبداع بالإسكندرية.

ـ10ـ عضو مرسم مركزالإبداع اًيضاً بالإسكندرية.

ـ11ـ نُشرت له العديد من الأعمال الأدبية في الصحف والمجلات.

ـ12ـ شارك في العديد من المهرجانات الشعرية والأدبية والثقافية علي مستوي جمهورية مصر العربية.

ـ13ـ شارك بالغناء في العديد من الحفلات الغنائية وعلي رأسها مهرجان سكندريات العالم الدولي.

ـ14ـ قامت إذاعة الإسكندرية بإستضافته عدة مرات في مختلف برامجها الثقافية والأدبية مثل برنامج (صور من الشعر) وبرنامج

(مع هذا الأديب) وبرنامج (أدب الشاطئ) وبرنامج (المجلة الثقافية).

ـ15ـ لديه مجموعة كبيرة من الأغنيات معروضة علي لجان النصوص الغنائية بالإذاعة والتلفزيون.

ـ16ـ لديه 105 أغنية تم تلحينها بالفعل وتوزيع بعضها توزيعاً موسيقياَ بواسطة كبار الملحنين والموزعين في الإسكندرية ومن بينها أغنيات قام بكتابتها بسبعة لغات وهي الإنجليزية والفرنسية والأسبانية والإيطالية والألمانية واليونانية بالإضافة إلي اللغة العربية.
ـ17ـ قام بترجمة خمسة كتب من مؤلفاته الأدبية من اللغة العربية إلي اللغة الإنجليزية وهذه الكتب هي:
(1) جــــــنة الزيف (ديـــــــــوان شعــــــر).
(2) أغنـــــــية حب (ديوان أغانى وأزجال).
(3) إغتــــــيال قلب (ديوان أغانى وأزجال).
(4) المرجــــــــيحة (ديوان أغانى وأزجال).
(5) العاشق الكذاب (ديوان أغانى وأزجال). 

ـ 18ـ صدرت لهً خمسة كتب في الأسواق المصرية والعربية وقد حققت جميعها أعلي النسب في المبيعات وهذه الكتب هي:

(1) جـــنة الزيـــف (ديــــــوان شـــــــــعـر).

(2) عودة الأمـــس (مجموعة  قصــــصــية).

(3) أغنـــية حــــب (ديوان أغاني وأزجـال).

(4) زهرة من الجنة (ديوان أغاني وأزجـال).

(5) بستان العــشق (ديوان أغاني وأزجــال).

ثم قام  بنفسه بتحويل كل مؤلفاته الأدبية إلي كتبٍ إلكترونية ليتم عرضها وبيعها دائماً بالتجارة الإلكترونية للعالم كله من خلال موقعه علي الإنترنت وهو بعنوان:

 (آداب خالدة)((((www.adabkhaleda.com واستمر عرض الكتب علي الموقع لمدة سنتين ونصف ثم توقف  الموقع لأسباب تقنية ثم قامت مجموعة شركات (Amazon) و(Smashwords) الأمريكية الشهيرة بنشر وتوزيع وبيع مؤلفاته من الكتب الإلكترونية ـ باللغة العربية والإنجليزية ـ علي الإنترنت لجميع أنحاء العالم.
(19) قام بعرض عشرة كتب أدبية متنوعة من مؤلفاته (بصوته) علي 40 شريط فيديو ووضعها دائماً علي موقع يوتيوب وذلك حتى يتمكن الجمهور من مشاهدتها وقراءتها مجاناً كما قام بنشر هذه الكتب العشرة في مدوناته باللغة العربية حتى يقرأها القراء بالمجان أيضاً ثم أضاف لها خمسة مدونات أخرى تحتوى علي خمسة كتب أدبية مترجمة من اللغة العربية إلي اللغة الإنجليزية.
(20) قام بتخصيص عدد كبير من مدوناته للتصوير الفوتوغرافي الذي يقوم به وذلك حتى يقوم بعرض صور رحلاته الخارجية حول العالم فيها كما قام بتخصيص مدونة خاصة بالفنون التشكيلية وذلك حتى يعرض فيها جميع الصور والرسومات التى رسمها بنفسه لكى يـُعبر بها عن أعماله الأدبية المنشورة في مؤلفاته وقد قام بنشر هذه المدونات باللغة الإنجليزية. 
 (21) لديه دائماً جمهورعريض من عشاق فنه في كل أنحاء العالم.

*******************************

مـــؤلـفـــات الشــــاعــــر/ جــــمــــال البـــــــيلي

(1) جـــــــنة الزيف (ديــــــــــوان شـــــــــعر).

(2)عــــــودة الأمس (مجــــــموعة قصـــصية).

(3) أغــــــــنية حب (ديوان أغاني وأزجـــــال).

(4) زهرة من الجنة ( ديوان أغــــاني وأزجال).

(5) بستان العشــق (ديوان أغــــــاني وأزجـال).

(6) جنة الحب (ديوان أغاني وأزجـال للأطفال).

(7) إغتيال قلب  (ديوان  أغـــــــــاني وأزجـال).

(8)  المرجيحة  (ديوان أغــــــــــــاني وأزجـال).

(9) العاشق الكذاب (ديوان أغــــــــاني وأزجال).

(10) كوكب السلام   (مســــــــــــــرحـيـــــــات).

(11) أزاهير المسرح (مســــــــــــــــرحيـــــات).

(12) مذبحة الضمير (مســـــرحـــــــــــــــــيات).

(13) وداعاً أيها الوفاء (مجـــــــموعة قصصــية).

(14) المدينة القاتلة  ( مجموعة قصــــــــــصــية).

(15) أكذوبة إسمها الحب (مجمـوعة قصــــصية).

(16) بسمة المستحيل   (ديــوان  شــــــــــــــــعر).

(17) لعبة السياسي الموسيقية(مجموعة قصصية).

(18) إغتيال شاعر ( رواية – الســــــيرة الذاتية ).

(19) أنفلوانزا الشعور   (مجموعة قصــــــــصية).

(20) ينابيع السقوط      (مجموعة قصــــــــصـية).

(21) كلمة السر : حرامي (مســـــــرحــــــــــيات).

(22) حديقة الحيوات (مجموعة قصـــــــــــــصية).

(23) الشخصية المثالية والطريق إلي السعادة(علم نفس إجتماعي).

(24) أشـــــــــجار الصمت (مجمــــــــوعة قصــــــــــــصية).

(25) فجـــــــر الجحــــــيم (مجــــــــمـوعة قصــــــــــــصية).

(26) شــجــــرة الخيـــــــــــانة (مجـــــموعة قصـــــــــصية).
(27) مواطــــن آيـــــل للسقـــوط (مـــــســـــــــرحيــــــــات).

(28) أنشـــــــودة السكـــــــون(مجـــــموعــة قصـــــــــصية).

(29) جــمــهــوريـة جــهــنـــم (مجــــــموعة قصـــــــــصية). 

(30) محـــاكــــمة عصـــــفــور(مجــــــموعة قصــــــــصية).

(31) بحــــــيـــرة المــــهــــزلــــة (مــــــســرحــــيات).
(32) التــــقـــدم إلي الخــــلـــف (مجــموعة قصـصية).

(33) سيمــــفونية السقــــــوط (مجـــموعة قصـصـية). 
(34) إبتـــسم أنت في جهـــنم ! (مجــموعة قصـصية).
(35) عـــنـــاقـــيـــد النــــفــــاق (مجـــموعة قصصية).

رحلته مع الفنون

أولاً: رحلة الأدب : بدأت حياته الأدبية في سن 11 سنة أثناء المرحلة الإبتدائية حيث لفتت كتاباته في موضوعات الإنشاء- نظر مدرسي اللغة العربية بالمدرسة فكان يحصل دائمأ علي الدرجات النهائية وكان يجيد حفظ الشعروإلقائه إجادة تامة ثم بدأ بعد ذلك يكتب ويقلد الشعر الذي كان يدرسه في كتاب المحفوظات في المرحلة الإبتدائية ثم في المرحلة الإعدادية - في صورة خواطر شعرية بسيطة ثم درس أثناء المرحلة الثانوية في دراسة خاصة – العديد من دواوين الشعر قديمه وحديثه ثم درس علم العروض وشتي علوم اللغة العربية فكتب بعد ذلك الشعر الفصيح والموزون والعمودي ثم إتجه إلي كتابة الزجل والأغنية وتتلمذ علي يد الشاعر الكبير/ أحمد السمرة الذي تنبأ له بمستقبل كبيرفي عالم الأغنية بصفة خاصة وفي الأدب العربي بصفة عامة وكان دائماً متواجداً في المحافل والمنتديات الأدبية ثم توالت بعد ذلك كتاباته في مجال القصة القصيرة ثم المسرحية ثم الرواية وكان ذلك بالطبع بعد دراسة مستفيضة ومتعمقة للأدب العربي من جهة وللأدب العالمي من جهة أخري وعلّم نفسه بنفسه من الألف إلي الياء.

ثانياً : رحلة الموسيقي : ظهرت موهبته الموسيقية في سن التاسعة أثناء  المرحلة الإبتدائية حيث كان يجيد حفظ الإيقاعات المختلفة علي آلات الإيقاع في فرقة المدرسة ثم ترك الموسيقي لفترة طويلة وعاد لها مرةًأخري بالدراسة الجادة من خلال ثلاثة معاهد موسيقية شهيرة بالإسكندرية في عام 1991 وتلك المعاهد هي :المعهد الأوروبي للموسيقي – معهد إبراهيم عبد الله- معهد الموسيقي العربية..

وقد تعلّم من خلالها مختلف فنون العزف والتلحين علي اّلتي الأورج والبيانو ثم عاد مرة أخري لمعهد الموسيقي العربية بعد ذلك و إلتحق بقسم الأصوات لتعلم الغناء ثم إلتحق بكورال فرقة سيد درويش بقصر ثقافة الحرية سابقاً (مركز الإبداع حالياً) وشارك من خلاله في العديد من الحفلات الغنائية وعلي رأسها مهرجان سكندريات العالم والعيد القومي لمدينة الإسكندرية.

ثالثاً : رحلة الفن التشكيلي : وبدأت أثناء دراسته الجامعية بالإسكندرية حيث كان يدرس مادة الرسم الهندسي فبرع فيه وكان دائماً يحصل علي أعلي الدرجات وكان دائماً يلفت نظر أساتذته - جمال لوحات الرسم الهندسي لدرجة أنهم عند التخرج قاموا بعرض جميع لوحاته في معرض خاص بالرسم الهندسي كما حصل علي تقدير جيد جداً في مشروع التخرج وأدي ذلك إلي إهتمامه بتلك الموهبة فيما بعد فالتحق بمرسم قصر ثقافة الحرية سابقاً (مركز الإبداع حالياً) لتعلم ودراسة الفن التشكيلي وتخصص بعد ذلك في فن البورتريه والتصوير الفوتوغرافي الذي مارسه وإحترفه بالفعل وقام بالعديد من رحلات السياحة بهدف التصوير وزار خلال هذه الرحلات العديد من الدول في القارة الأوروبية والأسيوية وهذه الدول هي فرنسا وموناكو وإيطاليا والفاتيكان واليونان وماليزيا وتركيا وإندونيسيا ونيبال ولبنان وسوريا وسلطنة عمان وقبرص وجزيرة كورسيكا ـ وعاد منها بمجموعة كبيرة جداً من الصور الفوتوغرافية لهذه الدول وحالياً يقوم بإعدادها لعرضها في معرض خاص للتصوير الفوتوغرافي.
Email: gamalelbialy@rocketmail.com

E-mail:gamalahmedelbialy@gmail.com

ــــــــــــــــــــــــــــــــــــــــــــــــــــــــــــــــــــــــــــــ

***والآن عزيزى القارئ نلتقي مع ديوان

(إغتيال قلب) وهو ديوان أغانى وأزجال من مؤلفات الشاعر / جمال البيلي.

      إغـــتــيــال قــــلــــب 

           (1)الإهـــداء

 ف عينيكي الحــــــب بيتــكلم    

ويصحى القلب الحــــــــيران

وانا قلبي .. ف الحال بيــسلـّم    

والحـب عليّا .. بيـــــــــــــبان

ف عينيكي الحب بيتـــــــــكلم    

ويصحي القلــــــــب الحيران

      *    *    *    *    *

النظرة قوام بتصــــــــــحـّينى     

وبترسم أشـــــواقي ف عـينى

وعيونِك علي قلبي تســـــــلـّم     

ف حنـــــين بيدوب ويّا حــنان

ف عينيكي الحـب بيتــــــــكلم     

ويصحّى القلــــــــب الحيران

     *    *    *    *    *

أنا لما عيــــــــــــونِك ندهتـنى         

الدنيا بحالهـــا .. حبــــــــــتني

ولقيت القلـــــــــــــــــب بيتعلم          

يعمل من حُــبـِك بســــــــــتان

ف عينيكي الحب بيتــــــــــكلم          

ويصحى القلــب الحـــــــيران

      *    *    *    *    *   

الحب أنا شفته .. ف عــــيونِك          

بيغنى ف رِمشِـــك وجفــــونِك

ريّح لى .. قلبي المــــــــــــتألم          

نسّانى كـل الأحـــــــــــــــزان

ف عينيكي الحب بيتكــــــــــلم          

ويصحى القلــــب الحيـــــران

      *    *    *    *    *

الشوق خد قلبي .. من نـــظرة         

وحْـلفت لأقابلِك من بـــــكــرة

والقلب لقيته بيـــــــــــــــــتندّم         

علي عمر أنا عشته ف حرمان

ف عينيكي الحــــب بيتـــــــكلم          

ويصحى القلـب الحـــــــــيران

       *    *    *    *    *

   جــــــمــــــال البـــــيــــلي

ـــــــــــــــــــــــــــــــــــــــــــــــــــــــــــــــــــــــــــــــ

     (2) لحــظة سعــادة

الحب لحــــــــــــظة هنيّة      

باعيشها جوّه .. عيونِــك(1)

بترُد لي .. روحـــــى فيّة      

وتسقي قلــــــــــبي بــحنينِك

وتسيب لي فرحتـها ذكرى      

تستنـّى مهما ح يجــــرى(2)

عايشة مابــــينى وبينِك

الحب لحظـــــة هنـــــــــــــيّة      

باعيشها جوّه .. عيونِك

   *    *    *    *    *

كان حلم عمري..بطولـُه      

إنك ف يوم تعشقيـــــنى(3)

كان نِفسي لحظة..أطوله      

وافضل أشوفه .. بعيـنى(4)

بقيتي معنى لحــــــــياتى       

أصبحتِ بسـمة لأهــاتى(5)

وفْضلت أعشق سنينِك(6)

الحب لحظة هنــــــــــــية        

باعيشها جــوّه .. عــــيونِك

   *    *    *    *    *   

إيه راح يساوى الوجــود؟     

لو غاب ف لحظة حنانِك(7)

عمرى .. ماح ابقي سعيد      

ده القلب عايـش عشانِك(8)

إنتى .. طريق النجـــــــاة      

ساعة ما تقـــــــــسي الحياة

ياما..سألت أنا فينِك؟(9)

الحب لحظة هنــــــــــــيّة      

باعيـــــــشها جوّه .. عيونِك

    *    *    *    *    *

ـــــــــــــــــــــــــــــــــــــــــــــــــــــــــــــــــــــــــــــــ

(1)جوّه : داخل . (2) تسيب : تترك . تستنى : تتبقي .

(3) بطولـُه : كله . (4) كان نِفسي : كنت أتمنى . أطوله : أحصل عليه . أفضل : أظل . أشوفه : أراه .

(5) بقيتى : أصبحتي . (6) فضلت : ظللت .

(7) إيه راح يساوى : ماذا سيساوى ؟ (8) عشانِك : من أجلِك.(9) ياما سألت : كثيراً ما سألت . فينِك : أين أنتِ ؟.

ـــــــــــــــــــــــــــــــــــــــــــــــــــــــــــــــــــــــــــــــ

      (3)إغتـــيال قـــلب

إبعدى عن سِكـّة أحلامــــى   

أنا قلبي خلاص داوى جراحه(1)

صورتِك إتحرقت قـُدامـــى   

وحنيني وأشواقى راحــــــــوا(2)

حُبِك كان كدبة أوهــــــامى   

وسحابة عمرى .. ف صــــــباحه

وغرامِك زوّد لي آلامـــــي   

والحزن لقيتِك مفتاحــــــــــــه(3)

وكفاية عذابي ف غرامـــى   

إشتكى من قلبي .. ونواحـــــه(4)

أيامِك فارقت أيامــــــــــــى   

وفراقـِك عيــــــــــــــدى وْأفراحـه

وفارقتِك حتى .. ف منامـى   

وارتاحوا أحلامــى إرتاحـــــوا(5)

مابقاش اللوم ولاّ كلامـــــى   

ح يصحّى ف قلبـــِك إصــلاحه(6)

مابقاش بيفيد حتى خصامـى   

أو عفو فؤادى .. وســـــــــــماحه

والحب رميته .. بسهامــــى   

ودفنته هوّه وْ أشبـــــــــــــاحه(7)

ـــــــــــــــــــــــــــــــــــــــــــــــــــــــــــــــــــــــــــــــ

(1) سكة : طريق . خلاص : تماماً . (2) قدامى : أمامى . راحوا : إنتهوا واختفوا .(3) زوّد : أكثر . لقيتِك : وجدتك . (4) كفاية : يكفينى .(5) إرتاحوا : إستراحوا .

(6) ما بقاش : لم يعد .(7) هوّه : هو .

ـــــــــــــــــــــــــــــــــــــــــــــــــــــــــــــــــــــــــــــــ

       (4)ماتفــــكرشي

ماتفكرشي ولا تحتـــــارشـي

بكرة الحزن قوام راح يمشى(1)

بس اتفائِل خلـّيك عـــــــــاقل       

تلقي همـــــــومك ماتزعّلشي(2)

           ماتفكـــرشى

لوأحوالك موش علــــي بالك      

كل ما فيها ما يطــــــمـــّنشي(3)

أحزان جاية .. كل شوية

طول الليل سهران ماتنامشي(4)

           ماتفـــكرشي

لو مضايق أو موش طايــــق      

قلبك كده ما بيتحمّلشــــــــــى(5)

دوس علي همّك واوعي يهِمك    

يوم الهم ما بيطـــــــــــوّلشـي(6)

           ماتفـــكرشى

وافتح قلبك للـّى يحــــــــــــبك     

وانسي كأن الحـزن ماكانشـى(7)

تِلقى الدنيا دى حاجة تانيـــــــة     

وانــــــت فاكرها ماتتغيّرشــي(8)

            ماتفـــكرشي

عيش أحلامك وانـْسي ألامــــك     

خلـّى الســــــعد ما يتأخرشــي(9)

وانده فرحـــــــك يرتاح جرحك     

ساعة الفرح ماتتعوضــــشى(10)

            ماتفـــكرشي

ـــــــــــــــــــــــــــــــــــــــــــــــــــــــــــــــــــــــــــــــ

 (1) ماتفكرشى : لا تفكر كثيراً . ولا تحتارشي : لا تتحير . بكرة : غداً . قوام : بسرعة . راح يمشي : سوف يرحل .

(2) بس اتفائِل : فقط تفاءل . خليك عاقل : كن عاقلاً .  ماتزعلشي : لا تحزنك . (3) موش علي بالك : لا تخطر ببالك . ما يطمنشي : لا يطمئن (4) جاية : قادمة . كل شوية : كل وقت . ماتنامشي : لا تنام .

(5) مضايق : غاضب . موش طايق : لا تتحمل شئ . كده : هكذا . ما بيتحملشي : لا يتحمل شئ . (6) دوس  علي همك : إقضي عليه . إوعي يهمك : لا يهمك شئ . مابيطولشي : لا يطول .  (7) للي : للذي  ماكانشي : لم يكن .  (8) دى : هذه . حاجة : شئ . تانية : أخرى . فاكرها : تظنها . ما تتغيرشي : لا تتغير . (9) خلي : إجعل . مايتأخرشى : لا يتأخر .

(10) إنده : نادى . يرتاح : يستريح .  ماتتعوضشى : لاتتعوض أبداً .

ــــــــــــــــــــــــــــــــــــــــــــــــــــــــــــــــــــــــــــــ

                         (5) شحــنات الغــرام

قلبي وقلبَك دول قطبين بينهم شحنات كــهربائية(1

بتخلـّينا إحنا الإتنـــــين  ف تنافر أو في جاذبيــة(2

ساعة يكون ماشي التيارساعة بيحصل ماس ونار

             لكن أحباب مِيّة المِيِّة(4)

قلبي وقلبَك دول قطـبين بينهم شحـــــنات كهربائية

            *    *    *    *    *    *

حبنا ده تيار مـــــتردد  دايمـــــاً يتغيّر ف الشـِدة(5

لكن ف حياتنا بيتـجدّد بين أوقات الخــير والشِدة(6

بنحب ف كل الأحـوال  وقلوبنا بيجــــمعها مجال(7

            للأحوال الماغنطـــيــسية

قلبي وقلبَك دول قطبين بينهم شحنات كهــــــربائية

             *    *    *    *    *    *

أرواحـنا .. زى الذرات  لو تـــتلاقي أو تتــباعِد(8)

وبتربــــطها إلكترونـات بتخلـّيها تكـون شئ واحـد

يملا الدنيا .. بالإشــعاع  ويورّينا ف كل شــعاع(9)

              أطياف الحـــــب المرئية

قلبي وقلبَك دول قطبين بينهم شحنات كهـــربائـــية

            *    *    *    *    *    *

ـــــــــــــــــــــــــــــــــــــــــــــــــــــــــــــــــــــــــــــــ

(1) دول : هؤلاء . (2) بتخلينا : أى تجعلنا . إحنا : نحن .(3) بيحصل ماس : أى يحدث ماس كهربي .(4) مية المية : مائة في المائة . (5) ده : هذا . دايماً : دائماً . الشدة : القوة .(6) الشدة : الضيق .(7) مجال : المجال المغناطيسي .(8)زى : مثل . (9) يملا : يملأ . يورّينا : يجعلنا نرى .

ـــــــــــــــــــــــــــــــــــــــــــــــــــــــــــــــــــــــــــــ

                (6)الوهــم الســعيد

تفتكر لو يوم ح ترجــــع الحنين ممكن يعـــود؟(1)

ده الرجوع عمره ماينفع والغرام مالهوش وجود2

تفتكر لو يوم ح ترجــــع الحنين ممكن يعـــــــــود؟

              *    *    *    *    *    *

إنتهى الحلم الجمـــــــــيل والقلوب جوّاها ليــل(3)

ليه ح نطلب مستـــحيل ؟ حبنا .. ده شئ بعيد (4)

تفتكر لو يوم ح ترجـــــع الحنين ممكن يعـــــــــود؟

               *    *    *    *    *    *   

إنتهى وقت الحســاب ..  إيه ح ناخد م العتاب؟(5)

ليه ندوّر ع العـــــذاب؟   والندم مالهوش حدود(6)

تفتكر لو يوم ح ترجــع   الحنين ممكن يعـــــــــود؟

               *    *    *    *    *    *

ليه نفكـّر ف اللي كان؟   حبنا ..مات من زمان(7)

لما ضاع بينا الأمــــان   وإتبنت بينا السدود ..(8)

تفتكر لو يوم ح ترجــع  الحنين ممكن يعـــــــــود؟

               *    *    *    *    *    *

الغرام كان بينا كــدبة .. كات بتكبر حبة حبة..(9

مستحيل ح نكون أحــبة إنتهى الوهــم الســــعيد..

تفتكر لو يوم ح ترجــع  الحنـــين ممكن يعــــــود

                *    *    *    *    *    *

ـــــــــــــــــــــــــــــــــــــــــــــــــــــــــــــــــــــــــــــــ

(1) تفتكر : هل تعتقد؟     (2) مالهوش : ليس له .

(3) جوّاها : بداخلها .     (4) ليه : لمـــــــــــاذا ؟

(5) إيه ح ناخد : ماذا سنأخذ ؟ (6) ليه ندوّر : لماذا نبحث . مالهوش : ليس له .(7) ف اللي : في الذى . 

(8) إتبنت : بُنيت .  بينا : بينـــــــــــــنا .

(9)كدبة : كذبة . كات : كانت . حبة حبة : شيئاً فشيئاً .

ـــــــــــــــــــــــــــــــــــــــــــــــــــــــــــــــــــــــــــــــ

   (7)وفــــر عواطــفك

وفـّر أحسن عواطـــــــــفـَك   

لو كان حُبك مــــجاملة ..

موش راح يرضينى عطفـَك   

لو تكدب ف المعاملة (1)

وفـّر أحــــــــــسن عواطفـَك   

لو كان حُبك مجـــــاملة..

 *    *    *    *    *    *

إثبت لي إنـــــــــــك بتِخلِص   

لو كان حُبك حقـــــــــيقي

وان كان عطفـَك ح يـخلـَص 

يبقي إبْعد عن طريقي(2)

إحساسَك كــله صنــــــــــعة   

حُبك ده باشوفه خدعة(3)

قلبك يكـدب بســـــــــــــرعة   

وكأنه عامـل لي عَمْلة(4)

وفـّر أحسن عواطـــــــــفـَك   

لو كان حُبك مجــاملة ..

*    *    *    *    *    *

إزاى تفـضل تـــــــــــــزوّق   

وتزيّف ف العواطـف؟(5)

كذبـك موش راح يــــشوّق   

قلبي ده لحب جارف(6)

فِكرك أنا برضه ح أقـــبـــل   

وهمَك ده يدوم ويطوَل؟(7)

ده انا عمرى فيك ما ح أسأل

ح افضل لهواك ده هاملة(8

وفـّر أحسن عواطــــفـَك   

لو كان حُبك مــــــــجاملة ..

  *    *    *    *    *    *

ــــــــــــــــــــــــــــــــــــــــــــــــــــــــــــــــــــــــــــــ

  * هذه الأغنية صاغها الشاعر علي لسان مطربة .

(1) موش راح يرضيني : لن يرضينى .

(2) ح يخلـَص : سينتهى . يبقي : إذن .

(3) كله صنعة : أى مفتعل . ده : هذا . باشوفه : أراه .

(4) عامل لي عَملة : أى صنع لي أكذوبة .

(5) إزاى : كيف؟ تفضل : تظل .

(6) موش راح يشوّق : أى لن يجعلنى أشتاق . ده : هذا .

(7) فِكرك : هل تظن ؟ برضه ح أقبل : أى هكذا سأقبل . يطول : يستمر . (8) عمرى  فيك ما ح أسأل : لن أهتم بك . ح افضل هاملة : سوف أهملك تماماً.

ـــــــــــــــــــــــــــــــــــــــــــــــــــــــــــــــــــــــــــــــ

   (8)مــوش ح اقدر أكمــّـل

سامحيني .. موش ح اقدر أكمّل    

مشواري اللي بدأته معـاكي (1)

قلبي خلاص ما بقاش يتحـــــمّل    

قسوة أحزانى .. ف هواكـى (2)

والحب اللي ما بينـّا إتبــــــــخـّر    

والشـوق اللي جمعنا إتعكـّر (3)

والحلم اللي بنيته إتـــــــــــــكسّر   

وبقيت نِفسي ف يوم أنساكى(4)

سامحيني .. موش ح اقدر أكـمّل    

مشــــــــواري اللي بدأته معاكـى

   *    *    *    *    *    *   

حبيتِك من أول نـظـــــــــــــــــرة    

ووهبتِك جـنة أحــــــــــــــــلامى

وصبحت ف قلبك يوم ذكــــــرى   

أيامها بتــــــــــــــــــجرح أيامي

بعد ما كنت أعز حبيـــــــــــــــب   

ما بقاش ليّة ف حبي نصيب(5)

صبح العمر ف يوم تعـــــــــذيب   

باشتكى من جرحه .. ويّاكى(6)

سامحينى .. موش ح اقدر أكمّل   

مشوارى اللي بدأته معــــــــاكى

   *    *    *    *    *    *

لو كـنت أعرف إني ف يـــــــوم     

ح أتألم وأبكـي .. ع الماضــــى

وان غــــرامِك موش ح يــــدوم      

وان قساوتِك بالدرجــة دى (7)

كنت هْربت ف يوم من شـــوقي     

كنت عشقت البعد حقيقـــي (8)

كنت محيت صورتِك ف طريقـي     

علشان تتبدد ذكـراكــــــــي (9)

سامحيني ..موش ح اقـدر أكمّل     

مشواري اللي بدأتـه معــــــاكى

   *    *    *    *    *    *   

يا خسارة حبي اللي رسمــــــته     

بسمة .. بتفرّح أحــــــــــــزانِـك

يا خسارة قلبي اللي زرعتــــــه     

بزهور الشوق يوم علشانِك(10

أنا باندم علي صدق شعـــــورى     

واتحسّر علي معنى ضــــمـيرى

علشان باخلِص لِك ومصــــيري     

أشرب م المُر ف دنيـاكـي (11)

سامحيني .. موش ح اقدر أكمّل     

مشواري اللي بدأته مــــــعاكـي

   *    *    *    *    *    *

ــــــــــــــــــــــــــــــــــــــــــــــــــــــــــــــــــــــــــــــ

(1) موش ح أقدر : لن أستطيع . مشواري : طريقي . اللي : الذي.(2) خلاص : تماماً . مابقاش : لم يعد .

(3) بينا : بيننا . إتبخر : تبخر . إتعكر : تعكر.

(4) بقيت : أصبحت . نِفسي : أتمنى .  

(5) ليّة : لي .              

(6) ويّاكي : مــــــــــعكِ .(7) موش ح يدوم : لن يستمر . بالدرجة دى : بهذه الدرجة . (8) حقيقي : فعلاً .

(9) محيت : محوت . علشان : لكى .

(10) اللي : الذي . عشانك : من أجلك .

(11) علشان : لأنى .

ـــــــــــــــــــــــــــــــــــــــــــــــــــــــــــــــــــــــــــــــ

                (9)عاشـــق الوهــــم

عاشق جمال الوهـــم         والكدب يا قلبـــــــــــي

م الغدر صابك ســهم         ف الورد متخــــبي(1)

مَليت سواد الليـــــــل        وشـْربته في كاسي(2)

ودُقت طـعم الويــــــل        يكوى ف إحساسي(3)

والدمع زى السيـــــل        باسقيه لأحلامـــــى(4)

والحلم مالهوش طعم        والحزن ده صاحبي(5)

عاشق جمال الوهـــم        والكدب يا قلــــــــــــبي

                  *    *    *    *    *

عاشق بحور الزيــف          تايه ف أمواجهــا(6)

أحلامى زى الطيــف          ساعة ما باحتاجها(7)

قوام تاخدها الريـــــح         وتطير بعيد عنـى (8)

والفرحة منى تـــروح         تمحى الحياة منى (9)

مجروح بجرح الروح         غدارة أيامــــــــــــــى

واليأس طعنة سيــــف        إزاى ح يفرجها؟(10)

عاشق بحور الزيــــف        تايـه ف أمواجـــــــها

                *    *    *    *    *    *

قلبـي أنا عنــــــــــوان        للشكوى والحيــــــــرة

مكتوب عليه الأحـزان        والدمعة محـــــــــفورة

اللـيل كواه بالنـــــــــار      طفـّيتها بدموعــي(11)

والصبر منه احتــــــار      دابت معاه شموعى(12

كاس الألــــــــــم غدّار      يا صـبر آلامــــــــــــــى

والروح مع الأشــجان      ف الحزن مأسورة(13)

قلبـي أنا عنــــــــــوان      للشكوى والحــــــــــيرة

             *    *    *    *    *    *

ــــــــــــــــــــــــــــــــــــــــــــــــــــــــــــــــــــــــــــــ

(1) متخبي : مختبئ . (2) مليت : ملأت . سواد : ظلمة .

(3) دُقت : تذوقت .    (4) زى : مـــــثل .

(5) مالهوش طعم : ليس له طعم . ده : هذا .

(6) تايه : تائه . (7) زى الطيف : أى مثل الخيال .

(8) قوام : بسرعة .(9) تروح : تختفى .

(10) إزاى : كيف ؟.ح يفرجها:أى كيف سيأتى فرجه ؟

(11) كواه : أحرقه . طفـّيتها : أطــــــفأتها .

(12) دابت : ذابت . معاه : معه .

(13) الأشجان : الأحزان .

ـــــــــــــــــــــــــــــــــــــــــــــــــــــــــــــــــــــــــــــــ

     (10)فـــجــر الرحـــمة

مُحـــــــمد يا نــــور الكــــــــــون   

يا بـــدر ف ليـــــل البــــــشـــرية

يا شمــــــس الإيمــــان والديــــن   

يا فجــــــر الرحــــمة الإلهـــــــية

مهــــــما يقـــــولوا عليك ف كلام   

ولا يحـاربــــــــوا ف الإســــــــلام

نـــورك ســـــــــــاكن كل ظــــــلام   

ورسالتــــك ف الكـــــــون أبـــــدية

مُحــــــــمد يا نـــــــور الكــــــــــون   

يا بـــــدر ف ليــــــل البشــــــريــــة

     *    *    *    *    *    *

ياما شعــــــــوب كانت بتحــــــاربك   

وبترفــــض دينـــــك وهُـــــداك (1)

ياما نـْفــــــوس كانوا عاصيين ربك

حاولوا كتـــــــير يهدموا دعواك(2)

وف يوم فهموا الديـــــــن ده قـــوام   

وإنبهروا بفـكر الإســــــــــــــلام(3)

وبكل مبـــــــــــادؤه العصــــــــــرية

 مُحمـــــــد يا نـــور الكــــــــــــــون   

يا بــدر ف ليــــــــــل البشـــــــــرية

      *    *    *    *    *    *

مهما إتملت الدنــــــيا شـــــــــــرور   

ولاّ إتحاصرت بالشيـــــــاطـــين(4)

مهما يعيش ف الدنـــــــيا فجــــــور   

ولاّ يعيش ف الكون تعابيـــــــن(5)

الإســــــــلام راح يفضــــــل خـــالد    

وح يفضل دايــــــماً كـده صامد(6)

بأوامــره الراقيــــــــــة المثـــــالية

مُحمد يا نـــــــــــــور الكـــــــــــون   

يا بــــدر ف لــــــــيل البشــــــــرية

     *    *    *    *    *    *

ـــــــــــــــــــــــــــــــــــــــــــــــــــــــــــــــــــــــــــــــ

(1) ياما : كثيرون . (2) كتير : كثيراً .

(3) قوام : بسرعة . ده : هذا .  

(4) إتملت : إمتلأت . (5) تعابين : ثعابين .

(6) راح يفضل : سوف يظل . دايماً : دائماً . كده : هكذا .

ـــــــــــــــــــــــــــــــــــــــــــــــــــــــــــــــــــــــــــــــ

              (11)خيـــرها ف غـــيرها

سيـبها يا قلــبي  عايز أنسـاها وانسي مصيرها(1 

بكرة يا صاحبي  أمحى أســاها  ويّا غرورهـــــا(2

واملا بحبـــــــي  قلب ســـواها  خيرها ف غـــيرها

سيـبها  يا قلبـي  عايز أنســاها  وانسي مصــــيرها

           *    *    *          *    *    *  

ليه تتــــــــــــألم  أو تتـنـــدم ..  علي أيامــــــــــها؟

ما خلاص بانت  بعد ما خانت ..  عهد غرامـــها(3

وان جت تبكـى أو جت تشكى   موش ح ارحمها(4

عشقها لعــــبة حبها كـــــــدبة  موش ح اغفرها(5

سيـبها يا قلبــي عايز أنــساها  وانسي مصــــيرها

          *    *    *          *    *    *    

ليه تعاتبـــــها ؟  أو تحاسبـها ؟  ولاّ تلومــها ؟(6)

غدرها نفـــــسه  ظلمه ويأســه   راح يئلمـــها (7)

دي بقت ماضي  ف الدنــيا دى  مع أوهامــــهـا(8)

حبها بكـــــــرة  ح يكون ذكرى  أنا ح انـكرهـا (9)

سيـبها يا قلــبي  عايز أنسـاها  وانسى مصــــيرها

           *    *    *         *    *    *  

ــــــــــــــــــــــــــــــــــــــــــــــــــــــــــــــــــــــــــــــ

(1) سيـبها : أتركها . عايز : أريد . (2) بكرة : غداُ . ويّا : مع . (3) ما خلاص بانت : أى ظهرت علي حقيــقتها .(4) جت : جاءت . موش ح ارحمها : لن أرحمها .

(5)  موش ح اغــفرها : لن أغـــفرها .

(6) ليه : لماذا؟ (7) راح يئلمها : سوف يؤلمها .

(8) دى بقت : إنها أصبـــحت . دى : هـذه .

(9) بكرة : غداً . ح أنكرها : سوف أنكـــرها .

ـــــــــــــــــــــــــــــــــــــــــــــــــــــــــــــــــــــــــــــــ

        (12)صـــــبـــــّح

حِن عليـّا يا حـــــــــــلو وصبّح         

خلـّى صباحى يـبقي معـطـّر(1)

ويكون أحلي صباح راح يصبح         

وألقى حلاوته زى الســــكر(2)

    *    *    *    *    *    *

إرمى سلامَك مــــــــــــرة عـليّا          

ولاّ شاورلى حتـــــى بإيـدك(3)

تِلقى غرامَك بان ف عيـــــــنية          

واسقيك حبى كمان وأزيدك(4)

    *    *    *    *    *    *

نظرة عينـَك ما بتكفــــــــــــينى         

عايز أقول لك إنـــــى بحبَك(5)

لمـّا تسلـّم ده ح يرضــــــــــينى         

علشان قلبي يحـــس بقلبـَك(6)

   *    *    *    *    *    *

قول لى صباح الخير أو قول لى        

أحلي صباح ح يكون ف صباحك(7

خلـّى الفرحة تجـــيلى تمـــــــــلـّى        

ويّا .. بسمة بتيجى من روحَك(8)

      *    *    *    *    *    *

لمّا تصبّح وانـــــت مـــــــــــــعدّى         

نور الصبح ح اشوفه ف عينك(9)

وألقي نار الشــــوق بتـــــــــــهدّى         

بعد ما كت بتقــول لي فينـَك؟(10)

     *    *    *    *    *    *

وحياة رِمشــــك اللي أســـــــــرنى         

روحى بتفرح لمّا باشــــوفـَك(11)

صبّح بقي أو حــــتى أأمـــــــــرنى        

إنى أعيش الصبح ف طـيفـَك(12)

     *    *    *    *    *    *

ـــــــــــــــــــــــــــــــــــــــــــــــــــــــــــــــــــــــــــــــ

* صبّح : قل لي صباح الخير (1) حِن : كن حنوناً .خلـّى : إجعل .(2) راح يصبح : سوف يصبح . زى : مثل .

(3) شاور لي : لوِّح لي .(4) بان : ظهر . عينية : عيونى . كمان : أيضاً . (5) عـــــــايز : أريد .

(6) ده ح يرضينى : هذا سوف يرضــــــــــينى .        علشـــــان : لكى .(7)ح يكون : سيكون . (8) خلـّى : إجعل . تجيلي : تأتينى . تملـّى : دائماً . ويّا: مع . بتيجى : تأتى .(9) معدّى : سائر وماشى . ح اشوفه : أراه .

(10) بتهدّى : أى تكون هادئة. كت : كانت . فينك : أين أنت.

(11) اللي : الذى .أشوفك : أراك.

(12) بقي : إذن . طيفك : خيالك.     

ـــــــــــــــــــــــــــــــــــــــــــــــــــــــــــــــــــــــــــــــ

(13)أمرَك مايهمنيش*

عايز الفـُرقة ولاّ الحــــــــب؟؟

ياريت تقول لي جواب..(1)

ليه قلبَك ده ف موقف صعب؟؟        

صاحب باليــــــن كداب(2)

مهما إخترت أنا ليّة .. قلـــــب        

حُبَك ده عنده ســــــراب(3)

عايز الفـُرقة ولاًّ الحــــــب ؟؟        

ياريت تقول لي جـــــواب ..

  *    *    *    *    *    *

ف الحالتين أنا قلبي .. راضى        

موش ح القي فرق كبير(4)

قـُربَك .. بُعدَك ده شــئ عـادى        

دايماً مالوش تأثـــــــــير(5)

ليه أتعب قلبي .. ع الفاضـــى       

وقلوبنا دول أغـــراب ..(6)

عايز الفـُرقة ولاّ الحــــــــب؟؟       

ياريت تقول لي جـــــواب ..

  *    *    *    *    *    *

يوم ما بتبقي .. جنبي قـُريّب      

قلبَك باشــوفه بعـــــــيد ..(7)

وف يوم مابتبعد وتغيّب      

بالبـــــــــعد تبـــقـي سعــــــيد

نِفسي يكون قلبَك ده طيّب     

ويصون هوى الأحبـــــاب(8)

عايز الفـُرقة ولا ّ الحب ؟؟     

ياريت تقول لي جــــــــــواب..

    *    *    *    *    *    *

ما بقيتش بحُبَك أهــــــــتم      

واشتقت راحة البــــــال ..(9)

ليه أشكى الأحزان والهــم      

واشوف هواك ده محال؟؟(10)

راحة قلبي دى عندى أهـم      

موش عايز أعيش ف عذاب(11

عايز الفـُرقة ولاّ الحـب ؟؟      

ياريت تقول لي جــــــــواب ..

    *    *    *    *    *    *

ــــــــــــــــــــــــــــــــــــــــــــــــــــــــــــــــــــــــــــــ

* ما يهمنيش : لا يهمنى . (1) عايز : هل تريد؟  ياريت : ليتك .(2) ليه : لماذا؟ ده : هذا . باليين : رأيين والشطر الثانى من البيت الثانى مثل شعبي مصري معروف .

(3) ليّة : لي . (4) موش ح القي : لن أجد .

(5) دايماً : دائماً . مالوش : ليس له .

(6) ع الفاضي : بلا جدوى . دول : هؤلاء .        

(7)بتبقي : تصبح . باشوفه : أراه . (8) نِفسى : أتمنى . ده : هــــــــذا.(9) ما بقيتش : لم أعد.

(10) ليه : لماذا ؟ أشوف : أرى .(11) دى : هذه . موش عايز : لا أريد.

ـــــــــــــــــــــــــــــــــــــــــــــــــــــــــــــــــــــــــــــــ

      (14)إغتــــيال بــيئة

إسمع ياللي بتنـــــسف كونـــك      

البيئة أمــــانة .. ف إيــديك(1)

ليه بْتقتل أمــــنها بجنــــــــونك      

إرحم حالــــها الله يخـــــليك(2)

زرعك جيت وسقــيته بسِـــــمّك      

خلـّيت العـــــيا يلعـــــب بيك(3)

والدوشة بقت حاجـــــة ف دمّك      

والإزعـــاج ح يموّت فــــيك(4)

والهوا ما بقــــاش شئ بيــهمّك      

والدخان راح يعمى عينـــيك(5)

والأكل مليـــــــــــته بألــــــوانك      

ونسفت الأوزون حـــوالــيك(6)

والمَيّة .. من كـــــــتر جنــــــانك      

صبحــــــت بتدمر كلاويـــــك(7)

والهرمـــــون حطيته ف طيورك          

والتدخــــــين سمــــــم رئتيك(8)

والبـــــترول كبيته ف بحــــورك          

والحشــــــــرات عمّالة تئذيك(9)

والذرّة .. من كتــــــر غــــرورك          

إشعاعها ف يومك راح يفنيك(10

وزبالــــــتك عمّال تحرســـــــــها          

وفيرانها بقت بتســــــــــلـّيك(11)

حتى الأخـــــــلاق بتلوثــــــــــــها          

وضميرك موش بيصـــــحّيك(12)

ظلـــــــمك بقي له ألف طريـــــقة          

والكون إشتكى من بلاويــــك(13)

جهلك بقي دلوقتـــــــي خطـــــيئة          

بكرة حقـــــــيقي .. ح تبكـّيك(14)

طول ما سلوكــــــــك ضد البيـــئة          

لازم ظلمــك يجـنى عليــــــك(15)

ـــــــــــــــــــــــــــــــــــــــــــــــــــــــــــــــــــــــــــــــ

 ** حصل هذا الزجل علي المركز الأول علي مستوى جمهورية مصر العربية في المسابقة القومية الخاصة بحماية البيئة التى أقامتها وزارة الشباب المصرية عام 2000

(1) ياللي : يا مَن .(2) ليه : لماذا ؟ الله يخليك : أطال الله عمرك .(3) جيت : جئت . خلـّيت : جعلت . العيا : المرض .بيك : بك .(4) الدوشة : الضوضاء . بقت : أصبحت . حاجة : شئ . ح يموّت فيك : سيقتلك .

(5) الهوا : الهواء .ما بقاش : لم يعد .راح بعمى : سوف يعمى .(6) مليته : ملأته . حواليك : حولك . (7) المَيّة : الماء . من كتر : من كثرة . جنانك : جنونك .

(8)حطيته : حقنته . (9) كبيته : سكبته . عمّالة تئذيك : أى تؤذيك بشدة .(10) من كتر : من كثرة . راح يفنيك : سوف يقتلك ويهلكك .(11) زبالتك : الزبالة : القمامة . عمّال تحرسها : المراد : أهملتها كثيراً .     والفيران : الفئران .بقت  بتسلـّيك : أصبحت مسلية لك .

(12) موش بيصحّيك : لا يوقظك .

(13) بقي : أصبح . بلاويك : أخطائك القاتلة .

(14) دلوقتى : حالياً . بكرة : غداً . ح تبكـّيك : سوف تـُبكيك .

(15) طول : طالما .لازم : لابد . يجنى عليك : أى يعود عليك  ضرره .

ـــــــــــــــــــــــــــــــــــــــــــــــــــــــــــــــــــــــــــــــ

            (15)عيـــونِك حيــــاتي

عيونِك ســـــــــــقونى حنـــــــان طال غـــيابه

 وحبـِك أمــــــــــرنى أحـــب ف عــــــــــــذابه

 واتوه جوّه قلبـِك ف نـظرة عينــــــــــيكى(1)

 ولو غِبت عنِك ألامــــــــــى تـنـــاديـــــــــــكى

 ف نظرة عــــــــــيونِك عــشقت الأمـــــــــانى

 وعمرى اللي فايت رجــــــــــــعْ ليّة تانـى(2)

 لقيت قلبي قال لي دى ساعة مــــــــيلادى(3)

 وطول ما انتِ جنبي ح اعيش الساعة دى(4)

عطشـــــــت وعيونِك ســــــقونى المحـــــــــبة

 ف نــــــظرة لقيـــتـنى بادوب حـــــبّة حبّة(5)

 سهــــــرت اللـــــــيالي أهدّى ف نــــــاري(6)

 وشـُفت ف عيونِك نجــــومي وْنهـــــــاري(7)

 وشـــــمس الأمانى .. وأحلــــــي المعـــــــانى

 ف غــــــــنوة لحياتى كتـــبها .. زمـــــانى(8)

 كتبها برمــــــــــوشِك وفوق نبض قلبــــي(9)

 وغـــــــــــنتها روحى علي لحـــــــــــــن حُبي

 بحـــبـِك وقلـــــــــبي ف حُبـِك حـــــــــــــــياته

 ولحظــــة لـُقاكى بعــــــمرى وساعــــاته(10)

ــــــــــــــــــــــــــــــــــــــــــــــــــــــــــــــــــــــــــــــ

(1)جوّه : داخل . (2) اللي فايت : الذى مضى . ليّة : لى .تانى : مرة أخرى .(3) لقيت : وجدت . دى : هذه .

(4) وطول : وطالما . جنبي : بجواري . ح أعيش : سأعيش .  (5) لقيتـنى : وجدت نفسي . بادوب  حبة حبة : أى أذوب ف الحب شيئاً فشيئاً .

(6) أهدّى : أهدئ . (7) شـُفت : رأيت . (8) غنوة : أغنــية . (9) رموشِك : أهداب عيونِك .(10) لـُقاكى : لقائى معكِ .

ـــــــــــــــــــــــــــــــــــــــــــــــــــــــــــــــــــــــــــــــ

(16)آه منك ياناسينى

ليه يابو قلب ناسينى 

م البعد بتســــــقيــنى

          وتحيّرنى ف حُبى؟(1)

خايف أقول لحنـينـى 

اللي بعيد عن عيـنى           

          يبقي بعيد عن قلبي(2)

ليه يابو قلب ناسينى 

م البعد بتسقـــــــينى 

وتحيرنى ف حُـــــــــــبـــي؟

  *    *    *    *    *    *

دايماً غايب عـــــنـى  

وسايـبنى ف أحزانى               

       أشكى بكل حواســـي(3)

قلــبك زعـــلان منـّى   

ولا ّ نويت تـنـــسانى          

      وتجرّح إحســــاسي؟(4)

آه لو شـُفت أنيــــنى    

لمـّا يـبان ف عيونى            

      كنت ح تعشق قـُربي(5)

ليه يابو قلب ناسينى 

م البعد بتسقيــــــــنى         

       وتحيّرنى ف حُبـــــــي؟

 *    *    *    *    *    *

لو موش قد غرامــى  

ليه بحُبك توعـــــدنى          

     وتقول لي ح نتـقابل؟(6)

ليه تسيـبنى ف أوهامى

أحلـــــم يــوم تســعدنى      

  وانت بعيد موش سائل؟(7)

  قلبي وعقلي لامونى  

 والشوق اللي كاوينى        

  بيقول لـَك :إيه ذنبــــي؟(8)

  ليه يابو قلب ناسينى 

  م البعد بتسقــــــــينى      

  وتحيّرنى ف حُـــــــــــبى ؟

           *    *    *    *    *    *

ــــــــــــــــــــــــــــــــــــــــــــــــــــــــــــــــــــــــــــــ

(1) ليه : لماذا ؟ يابو : يا أبو .(2) اللي : الذى .

(3) دايماً : دائماً .غايب : غائب .   سايـبـنى : تاركنى .

(4) زعلان : حزين .(5) شـُفت : رأيت . يــبان : يظهر . ح تعشق : ستعشق . قـُربي : القرب منـّى. (6) لو موش قد غرامى : لو لم تعرف مقدار حُبي . ح نتقابل : سنلتقى .

(7) تسيبنى : تتركنى .موش سائل : غير مهتم .

(8) اللي : الذى . كاوينى : يكوى : يحرق بناره . إيه ذنبي : ماهو ذنبي؟.     ـــــــــــــــــــــــــــــــــــــــــــــــــــــــــــــــــــــــــــــــ

                 (17)أحــــــلى كــــــــدبة

لو تــــــقولى حبيتـــــينى     تِبقي قولتى أحلي كدبة(1)

موش ح تِبقي بتخدعينى     ده الغرام ما بيستـخبي(2)

ياما كنت اسهر عشـــانِك     ماالتقيش مرة حــنانِك(3)

                   كنت احـــس بكل غـُربة

لو تقولي حبيــــــتينى         تِبقي قولتى أحلي كـــــدبة

                *    *    *    *    *    *  

يوم ما كان قلبي ف إيديكى  كنـتِ دايماً تجــــــرحـيه(4)

كان حنانه بيناديــــــــكى   وانتِ موش بتحــسي بيه(5)

النهاردة عايزة حُـــــبـي     يبقـي فاضــل جوّة قلبي(6)

                  مستحيل تفضــــــل محبة(7)

لو تقولي حبيتـــــينى       تِبقي قــــولتي أحلي كــــــدبة

               *    *    *    *    *    *

الغرام عندِك ســــراب موش ح يخدع غير مشاعرِك(8)

موش ح يشكى م العذاب   قلب عاش العـــمر فاكرِك(9)

قلبي مـوش محتاج لحُبك  مهـما يـــنده ليّة قلــبـِك(10)

                 مستــــحيل ح نكون أحبّة(11)

لو تقولي حبيـتينى       تِبقي قولــــتى أحــــلي كـــــدبة

             *    *    *    *    *    * 

ـــــــــــــــــــــــــــــــــــــــــــــــــــــــــــــــــــــــــــــــــــــــ 

(1) كدبة : كذبة . (2) موش ح تبقي : لن تكونى . يستخبي : يختبئ و يختفي .(3) ياما : كثيراً .   عشانِك : من أجلك . ما ألتقيش : لا أجد . (4) دايماً : دائماً .       

(5) موش بتحسي بيه : لا تشعرين به . (6) النهاردة : اليوم . عايزة : تريدى . فاضل : باقي . جوّة : داخل .

(7) تفضل : تتبقي .

(8)موش ح يخدع : لن يخدع .

(9) موش ح يشكى : لن يشكو . فاكرِك : أى يتذكرك .

(10) موش محتاج : لا يحتاج . ينده : ينادى . ليّة : لى .

(11) أحبّة : أحباب وعشاق .

ـــــــــــــــــــــــــــــــــــــــــــــــــــــــــــــــــــــــــــــــــــــــ

       (18)مصر الحضارة

أهــــلاً أهــــــلاً بالسُــــــــواح          

أهــــــــلاً بيـــــــــكو ف كل أوان(1)

مصر ح تفــــــضل ليكو براح          

مصر بلدنا أمــــــــــــان ف أمان(2)

ياللا تعالوا ف حُضــــــن بلدنا          

علشان تشـــــهدوا علي أمجـادنا(3)

مصر ح تفضل أحلي مكان(4)

أهــــــلاُ أهـــــــلاً بالسُــــــواح         

أهلاً بيـــــــكـو ف كـــــــــــــــل أوان

     *    *    *    *    *    *

زوروا بلادنا محافظة محافظـة         

شوفوا الماضى .. ولا ّ الحاضــر(5)

تِلقوا بلدنا .. لِسّة محـــــــــافظة        

علي معدنها الأصــــــــــلى النادر(6)

موش ح تلاقوا بلاد ف تاريخها        

موش ح تشوفوا بلاد ف شموخها(7

أعظم دولة ف كل زمــــــــــــان

أهــــــلاً أهـــــــلاً بالسُـــــــواح         

أهـــــــــــلاً بيــــــــــــكو ف كـل أوان

      *    *    *    *    *    *

مصر ح تفضل أرقي حـــضارة     

والعالم يعــــشق أمــــــــــــجادها(8)

مصر ح تفضل أعــلي منــــارة     

طول ماهي فيها كـــــفاح أولادها(9)

راح تفضل ف الدنــــــيا تــعلـّم      

راح تفـــــضــل دايــماً تتـــــقدّم(10)

وتعلـّى ف مــجد الإنسان(11)

أهــــــلاً أهـــــلاً بالسُـــــــواح     

أهــــــــلاً بيـــــــــكو ف كــــــل أوان

      *    *    *    *    *    *

ـــــــــــــــــــــــــــــــــــــــــــــــــــــــــــــــــــــــــــــــــــــــ

(1)السُواح : السائحين . بيكو : بكم .(2)ح تفضل : سوف تظل . ليكو : لكم . براح : أى متسعة .

(3) ياللا : هيّا . تعالوا : أقدموا . علشان : لكى .

(4) أحلي : أجمل .

(5) شوفوا : شاهـِدوا .(6) تِلقوا : تجدوا . لسّة : مازالت .

(7) موش ح تلاقوا: لن تجدوا. موش ح تشوفوا:  لن تشهدوا.

(8) ح تفضل : سوف تظل . (9) طول ماهى : طالما كانت .

(10) راح تفضل : ستظل . دايماً : دائماً . (11) تعلـّى : تـُعلى .

ـــــــــــــــــــــــــــــــــــــــــــــــــــــــــــــــــــــــــــــــــــــــ

                 (19) نـــبع الحــــب

علـّمنــــى حُبـِك أحبـِك   وافتح قلــبي لكل النـــــــــــاس

علـّمنى أعشـق بقلبـِك   والقي الكون مليان إحساس(1)

                  *    *    *    *    *

الحب بسـمة ف عينيكى  بتغــنى .. فيها الأحــــــــــــلام

القلب ينـده عليــــــــكى   يلقى الدنيا غرام ف غـرام(2)

                   *    *    *    *    *

الثانية لمـّا باشــــــــوفِك  بتعيشـنى سنـــــين العـمر(3)

والفرح أشوفه..ف طيفِك  يأمر قلبي بحُبـك أمـــــــر(4)

                   *    *    *    *    *

قلبـِك ده زهــرة فؤادى     تملا الدنيا عليا عبــــــير(1)

الحب جالها .. يـــنادى    ضحْكت له كل العـصافير(2)

                   *    *    *    *    *

الشمس ساعة ما تـطلع    تسأل عنـّك كل الكــــــون(3)

والليل لهمسِك بيسمـــع    والبدر بحُسنِك مفـــــتون(4)

                   *    *    *    *    *

علـّمنى حُبـِك أصـــونِك    علـّمنى بأشواقي أبـــــوح(5)

الحب جوّه .. عيــــونِك     رجّع فيّة حيــــــاة الروح(6)

                   *    *    *    *    *

ـــــــــــــــــــــــــــــــــــــــــــــــــــــــــــــــــــــــــــــــــــــــ

(1) ألقى : أجد . مليان : ممتلئ . (2) ينده : ينادى.

(3)أشوفِك : أراكِ .(4) أشوفه : أراه . طيفِك : خيالِك .

(1) ده : هذا . تملا : تملأ . (2) جالها : جاءها .

(3) تطلع : تشرق .(4) مفتون : عاشق . (5) أصونِك : أحفظِك . أبوح : أصارح . (6) جوّة : داخل . فيّة : داخلي .

ـــــــــــــــــــــــــــــــــــــــــــــــــــــــــــــــــــــــــــــــــــــــ

                   (20)نســــــيتِك

طردت حُبـِك من قلـبـي    وشيلت صورتِك من جنبي(1)

وقلت من غير ما أخبي    ندمـــــــت إنى حبـــــــيتِك(2)

                 *    *    *    *    *

عطشت للحب مـــعاكى    وشربت من مُر هواكـــــى(3)

وشفت حتى ف ذكراكى    الحزن من يوم ما هـويتِك(4)

                 *    *    *    *    *

جرحتى قلبي اللي إدالِك   حنان ما يخــطر علي بالِك(5)

وبيعتى عـــهدِك وأمالِك   وانا اللي قلبي .. كان بيتِك(6)

                 *    *    *    *    *

بددت لِك كـــــــــل ألامِك   سقيت بحُبي .. أحــــلامِك(7)

محيتى صـورتى قـُدامِك   وأنا اللي ف عينية رعيتِك(8)

                 *    *    *    *    *

خلاص أنا..قلبي صفي لي ورْجعْ لى زى ماكان خالى(9

وجراحى غابت عن بالي   ونسيت عذابي .. ونســـــيتِك

                 *    *    *    *    *

ـــــــــــــــــــــــــــــــــــــــــــــــــــــــــــــــــــــــــــــــــــــــ

(1) شيلت صورتِك : تخلصت منها . من جنبي : بجوارى .

(2) أخبي : أخفى . (3) معاكى : معكِ . (4) شفت : رأيت.

(5) اللي إدالِك : الذى أعطاكى .(6) اللي : الذى .

 (7) بددت : محوت .(8) محيتى : محوتى . قـُدامِك : أمامِك . عبنية : عيــــونى .(9) خلاص : إنتهى . صفي : راق . زى ما كان : مثلما كان .

ـــــــــــــــــــــــــــــــــــــــــــــــــــــــــــــــــــــــــــــــــــــــ

                   (21)إتحــــــــدانـى*

عايزاك تتـــــــــحدانـى       مــــين يرجع للتانى(1)

مهما ح تنسي الماضى      عمرَك ما ح تنسـانى(2)

                    عايزاك تتــــــحدانى

                   *    *    *    *    *

مهما ح تهـــرب منـّى        موش ح تكدّب ظنـّى(3)

ح تعيش تـــسأل عنـّى       و ح تشتاق لحـــنانى(4)

                    عايزاك تتــــــحدانى

                   *    *    *    *    *

حاول تقســـــــــي عليّا      جرّب تلــــــــــعب بيّة(5)

موش ح يـــــــــأثر فيّة      راح تندم علشــــــانى(6)

                    عايزاك تتـــــــحدانى

                    *    *    *    *    *

حاول مرة ف بُعــــــدى      تنسي غرامَك عــندى(7)

موش ح تعيش من بـَعدى   راح ترجع لى .. تانى(8)

                    عايزاك تتـــــــحدانى

                    *    *    *    *    *

يوم ما ح تنكر حُبـــــَـك      يوم ما تـــصدّق كدبَك(9)

راح يشـــــكى لـَك قلبَك     ويقول: فين عنوانى؟(10)

                   عايزاك تتـــــــحدانى

                   *    *    *    *    *

ـــــــــــــــــــــــــــــــــــــــــــــــــــــــــــــــــــــــــــــــــــــــ

* هذه الأغنية صاغها الشاعر علي لسان مطربة .

(1) عايزاك : أريد أن . مين : مَن . التانى : الآخر .

(2) ح تنسي : ستنسى . عمرَك ما ح تنسانى : لن تنسانى أبداً .(3) ح تهرب : ستهرب . موش ح تكدب : لن تكذب .

(4) ح تعيش : ستعيش . ح تشتاق : ستشتاق. (5)تقسي : تقسو . بيّة : بي .(6) موش ح يأثر فيّة : لن يؤثر ذلك فيّ . راح تندم : سوف تندم . علشانى : من أجلي . (7) ف بـُعدى : في غيابي . (8) موش ح تعيش : لن تعيش .  راح ترجع : سوف ترجع . تانى : مرة أخرى .(9) ح تنكر : سوف تـُنكر . كدبك : كذبك .

(10) راح يشكى : سوف يشكو . فين : أين؟ ـــــــــــــــــــــــــــــــــــــــــــــــــــــــــــــــــــــــــــــــــــــــ

       (22)شــــيزوفـــرانـــيا*

عينى يا عينى : فيه ناس ف الجامع          

دول زى ملايكة .. ف صـــــــلاتهم !!(1)

وياريت إسلامــــــــــــــهم بقي نافع          

أو بيغيّر شـــــــــئ ف حيـــــــــاتهم ..(2)

يطلعوا م المـــــــــسجد ع الســـرقة          

ينصبوا .. يرتشوا  .. دى موش فارقة(3)

ييــجى الحــــــج يســــــافروا قـوام          

يرجـعوا يزنوا ف ملـــــيون شقـــــة!!(4)

بالذمــــــة .. بقي ده إســــــــلام ؟؟          

ليه يااخــواتى الناس دى منافقــة؟؟!!(5)

والله ده كله حـــــرام ف حـــــــرام          

والناس بقوا فاهــــــــمين حـركاتهــــم(6)

عيني ياعينى: فيه ناس ف الجـامع         

دول زى ملايـــكــة .. ف صـــــــــلاتهم !!     

         *    *    *    *    *    *  

الصلاة لو ماكانــــــــــــتش بتمـــــــــــــنع       

الإنسان عن عمل الباطـــــــــل(7)

إزاى بقــــــــي يوم كـــــده راح تنفـــــــــع       

إيه فايدتها لإنسان فاشــــــل؟؟(8)

يبقي احْنا بنضـــــحك علي بعض..     

يبقي احْنا خلاص مالنــاش عـــــــهـــد(9)

يبقي احْنا .. بنبـــــــيع إسلامـــــنا      

ونحُط الســـــــم ده ف الشـــــــــهد ..(10)

ويقولوا بلــــــــــدنا بتظـــــــــلمنا      

واحْنا يا ناس مالـــناش بـــقي يد !!!(11)

والعـــــــــالم يـــــسرق أحلامـــــنا      

وتضـــــــيع أمتـــــــنا فْ مأســــــــاتهم ..

عينى ياعينى: فيه ناس ف الجامع      

دول زى ملايكـــــــــة .. ف صـــــلاتهم ..

        *    *    *    *    *    *

ـــــــــــــــــــــــــــــــــــــــــــــــــــــــــــــــــــــــــــــــــــــــ

*الشيزوفرانيا : مرض نفسي شهير وهو مرض إنفصام وإزدواج الشخصية . (1) عينى يا عينى : أسلوب تعجب وسخرية . فيه : هناك . والجامع : المسجد . دول : هؤلاء . زى : مثل . ملايكة : ملائكة .(2) ياريت : ياليت .(3) يطلعوا : يخرجوا . دى موش فارقة : أى هذا لا يختلف كثيراً .(4) ييجى الحج : أى يأتى موعد فريضة الحج . قوام : بسرعة . (5) بقي ده : هل هذا . ليه : لماذا . إخواتى : إخوتى . دى : هؤلاء .  (6) ده كله : هذا كله . بقوا : أصبحوا . حركاتهم : ألاعيبهم.

(7) لو ماكانتش : لو لم تكن .

(8) إزاى : كيف؟ بقي : هكذا . كده : بهذا الشكل . راح تنفع : سوف تنفع . إيه فايدتها : ماهي فائدتها ؟

(9) يبقي إحنا : إذن نحن . بنضحك علي بعض : أى نحن نخدع  بعضنا البعض . خلاص : تماماً . مالناش : ليس لنا .(10) نحُط : نضع . ده : هذا . والشهد : العسل .

(11) إحنا : نحن . مالناش بقي يد : ليس لنا أى دخل في هذا الأمر .

ـــــــــــــــــــــــــــــــــــــــــــــــــــــــــــــــــــــــــــــــــــــــ

                 (23) حــــكـــم الدنــــــيا

يا خوفى منـّك يا دنــــــــيا   لو يوم جيتى لي سعيدة(1)

الفرح يهرب ف ثانـــــــية   والأمنــــــيات الجـــــــــديدة

والنحس يفضل راكــــبنى   بعد اما اشوف إبتسامتَك(2)

والحزن يفضل يصيــــبنى   لمّا تجي لي بســــلامتِك(3)

إكمن أصــــــــــلِك غرورة   ياما خدعتـــــــي أمالي (4)

البسمة عندِك دى صــورة   ياريـت تغيّر ف حــــالي(5)

الكدب أصله .. ف طـــبعِك   لمّا بتـبقي جمــــــــــيلة(6)

لو جيت أحبـِك واطـــاوعِك   ألاقي نـَفسي ذليـــــــلة(7)

وان جيت ف يوم وهجرتِك   ألقاكي تجــــــرى ورايا(8)

ف عينيكى نفس إبتسامتِك   وإيديــــــــــــكى فيها مُنايا

وإكمن قلـــبي هواكــــــــى   دايماً باصدّق كلامِـــــك(9)

واحلم وحلمى مــــــعاكـى واسرح واتوه ف غرامِك(10

لكن ف ثانية حـــــــقيقتِك    تظهر قوام علي وِشِك(11)

وألعن ف ساعة ما شـُفتِك   وشـُفت غدرِك وغِشِك(12)

يا ظالمة ليه تخدعيـــنى؟    حـرام عليـــكى عذابي(13)

كان نِفسي مرة .. تجينـى    بفرحة تحيي شبـــابي(14)

ببسمة حلوة أشوفـــــــها    تدوم كتير ف شـفايفِك(15)

بكلمة معنى حًروفـــــــها  الفرحة طول ماانا شايفِك(16

مكــــــــــتوب عليّا أحبـِك   وارضى كمان بنصيبي(17)

حتى .. ولو حُكـــــم قلبـِك  إنى أعيـــش ف لهيــــــــــبي

ـــــــــــــــــــــــــــــــــــــــــــــــــــــــــــــــــــــــــــــــــــــــ

(1)جيتي لي : أتيتينى .(2) النحس : الشؤم . يفضل : يظل . راكبنى : مسيطر عليّ . أما اشوف : لمّا أرى .

(3)لما تجى لي : لما تأتينى . بسلامتِك : حضرتِك .

(4) إكمن : هذا لإن . غرورة : خادعة . ياما : كثيراً ما .

(5) دى : هذه . صورة : المراد كذبة . ياريت : يا ليت .

(6) الكدب : الكذب . بتبقي : تكونى . (7) لو جيت : لو جئت . أطاوعك : أطيعك . ألاقي : أجد .

(8) ألقاكى : أجدِك . ورايا : خلفي  (9) إكمن : هذا لإن . دايماً : دائماً .(10) معاكى : معكِ . أسرح : أشرُد .

(11) قوام : بسرعة . وِشِك : وجهِك .(12) شفتك : رأيتِك .

(13) ليه : لماذا؟ .(14) كان نِفسي : كنت أتمنى . تجينى : تأتينى .   (15) أشوفها : أراها . كتير : كثيراً . شفايفِك : شفتاكِ .(16) طول ماانا  شايفِك : كلما أنظر إليكِ .

(17) مكتوب عليا : أى قدرى . كمان : أيضاً .

ـــــــــــــــــــــــــــــــــــــــــــــــــــــــــــــــــــــــــــــــــــــــ

     (24)خطــــفتى قلــــبي

خطفتى قلبي يا روح قلــــــــبي     

إزاى ح اجيب قلبي تانى(1)

ونـْسيت خلاص نـَفسي ف حُبي    

نسّانى حُبـِك نســـــــــّانى(2)

   *    *    *    *    *    *

ف يوم قلوبـــــــــنا ما تـــــتقابل    

الســـــــاعة بتمر ثوانـــــــى

واقول لعــمرى اللي .. فاضـــــل    

رجّع لي يوم تانى زمانى(3)

   *    *    *    *    *    *

يا روحى ساعة ما باشوفِك        

الفرحة تقلـب ف كيــــــــانى(4)

والسحر بيجي لي ف طِيفِك        

ويقول لي قـلبي : آه يانى ..(5)

   *    *    *    *    *    *

وانْ جالي يوم غـبتى عنـّى        

مااعْرفش يوم فين عنوانى؟(6)

والشوق ف قلــــبي يجننـّى        

والشكوى تشكى لأحـــزانـى(7)

   *    *    *    *    *  

إنتى إبتــــــــــــسامة أيامى        

وانتى ربــــيع كـله أمـــــــــانى

وانتى أميرة أحــــــــــلامى        

وانتى المـــنى ف أحلي معـانى

  *    *    *    *    *    *

ـــــــــــــــــــــــــــــــــــــــــــــــــــــــــــــــــــــــــــــــــــــــ

(1)إزاى : كيف؟ ح اجيب قلبي : سوف أسترده . تانى : مرة أخرى . (2) خلاص : تماماً .(3) اللي : الذى . فاضل : باقي .(4)أشوفِك : أراكِ . (5) بيجى لي : يأتينى . طيفِك : خيالِك . آه يانى : أى آه من هذا الحب .

(6) جالي : أتانى . ما اعرفش : لا أعرف . فين : أين؟

(7) تشكى : تشكو .

ـــــــــــــــــــــــــــــــــــــــــــــــــــــــــــــــــــــــــــــــــــــــ

      (25)قلــبَك بغزالــة!!

قلبَك ليـــه دايماً بغـــزالة؟!    

كل شــــــوية بيـــبقي ف حالة؟(1)

ساعة باشوفه .. بحر حنان    

ساعة باشوفه مالوهش أمـــان(2)

مع إنى ف حُبـَك مــيّالة(3)

قلبَك لــيه دايماً بغــــزالة؟!

       *    *    *    *    *

قلبَك يوم يفضل يعشــــقنى         

وف لحظة باشوف فيه القسـوة(4)

وساعتها الحيرة تغــــرّقنى         

وتسيبنى .. أشكى من الشـكوى(5)

لو موش قد الحب فارقـــنى         

حتى ولو فـُرقـتنا محـــــــــــالة(6)

قلبَك ليه دايماً بغــــــــزالة؟!

       *    *    *    *    *   

إختار وارسي لك علي بـــــر         

يا تحـــب يا تبــــعد بــقي عنـّى(7)

ما تسيبنيش ف الحـــب المـُر         

أتعذب ف غــــرام يئلـــــــــمنى(8)

حيرتى معاك شئ موش بيسُر        

والقــســـــــوة ف حُبَك قـــتـّالة(9)

قلبَك ليه دايــــماً بغـــــــزالة؟!

       *    *    *    *    *

ـــــــــــــــــــــــــــــــــــــــــــــــــــــــــــــــــــــــــــــــــــــــ

 * هذه الأغنية صاغها الشاعر علي لسان مطربة .

(1) ليه : لماذا؟ دايماً : دائماً . بغزالة : أى متقلب . كل شوية : كل حين. (2) باشوفه : أراه . مالوهش : ليس له . (3) ميالة : أى أميل إليك.

(4)يفضل : يظل .أشوف : أرى .(5) تسيبنى :تتركنى . أشكى : أشكو .(6) لو موش قد الحب : أى لو لم تعرف قدره . (7) إرسي لك علي بر : أى حدد رأيك وهدفك . بقي : إذن . (8) ما تسيبنيش : لا تتركنى . يئلمنى : يؤلمنى .

(9) معاك : معك .

ـــــــــــــــــــــــــــــــــــــــــــــــــــــــــــــــــــــــــــــــــــــــ

    (26)إصــــحى يا نايــــم*

إصحى يا نايم ياللي ف ورطـــة       

التدخـين ح يموّت فـــــــــيك(1)

والعيا موش ح يسيب فيك حتــّة        

ليه ح تجيـــب موتـَك بإيديك(2)

إطفي سيجارتك قبل ما تِولــــــع       

ندمَك موش ح يفـيد أو ينفع(3)

لما نهايتك تنـــــــــده ليــــك(4)

إصحي يا نايـم ياللي ف ورطـــة       

التدخــــــــــــين ح يــموّت فــيك

      *    *    *    *    * 

لما تحس بشـوق لسيجــــــارتك         

إوعي ف لحـــظة توّلع فيها(5)

صحّى ساعتها بــسرعة إرادتك        

علشان تهزم شـــــوقك ليها(6)

طول ماانت ما عندكش عزيمـة         

راح تفضل نفسَك مهزومــة(7)

واليأس قوام يلعـــــب بـــيك(8)

إصحى يا نايم يا للي ف ورطــة         

التدخـــــــــــين ح يموّت فيــــك

      *    *    *    *    *

إزاى عــارف لمــــــــــا تدخــّن          

إنك بتدمّر ف حيـــــــاتـــــك(9)

وتقول للتدخيــن ده أهـــــــــــلاً          

وتقضـّى كتيـر فيه أوقاتك(10)

فِكرك يعنى ح تنـــــسي الهـم؟؟         

لأ بالعكس ح تبقي ف غـم(11)

لما تشوف العيا بعــــينيتك(12)

إصحي يا نايم يا للي ف ورطة        

التدخيـــــــــــن ح يموّت فيـــك

      *    *    *    *    *

ـــــــــــــــــــــــــــــــــــــــــــــــــــــــــــــــــــــــــــــــــــــــ

* هذه الأغنية مهداه إلي كل مدخن .

(1) إصحى : إستيقظ . نايم : نائم . ياللي : يا مَن .

ح يموّت فيك : سوف يقتلك .

(2) العيا : المرض . موش ح يسيب : لن يترك . حتــّة : مكان . ليه : لماذا ؟ ح تجيب : ستـُحضر . إيديك : يديك .

(3) إطفي : أطفئ . تِولع : تشتعل . موش ح يفيد : لن يفيدك .(4) تنده : تنادى . ليك : لك .

(5) إوعي : إياك . تولـّع فيها : تــُشعلها .           

(6) صحّى : إوقظ . علشان : لكى . ليها : لها .

(7) طول ما انت : طالما أنت .    ما عندكش : ليس لديك . راح تفضل : سوف تظل . (8) قوام : بسرعة . بيك : بك .

 (9) إزاى : عارف : كيف تعرف؟  (10) ده : هذا . كتير : كثيراً . (11) فِكرك : هل تظن . ح تنسي : ستنسي .

 (12) تشوف : ترى . العيا : المرض.

ـــــــــــــــــــــــــــــــــــــــــــــــــــــــــــــــــــــــــــــــــــــــ

      (27)الفـُرقــــة المؤكـــدة

فِكرَك لما ألقــــــاك بيعــــــــتنى         

بعـــــــــــد ما قلبــــــــك ده حَبّنى(1)

إن هـــــــواك ده ح يهـــــــــمنى         

وف يوم ح ابكى ع اللي مضى؟؟(2)

ده انا موش ح اسأل مهما حصل        

وخـــــــــسارة علـيك حتى الزعل(3)

علشان موش شايف فيك أمــــــل        

من يوم غــــــــــدرك ده ما إبتــدا(4)

فِكرَك لما ألقـــــاك بيعــــــــــتنى        

بـــــــــــــعد ما قلبَك ده حَبـــــــــــنـى

إن هـــــواك ده ح يهــــــــــــمنى       

وف يوم ح ابــكى ع اللي مضــــي؟؟

      *    *    *    *    *    *

موش راح أقول لك فـــــين الوفا    

بعــــد ما حُبـَك ليّة إخــــــــــــتفي(5)

ورضيت بالهجــــــر والجــــــــفا    

وسكوتى علامـــــــة .. الرضـــــا(6)

ما بقيتش اشتــــــاق يـــوم لللـُقا    

موش عايز منك شــــــــئ بــــقي(7)

وكفاية شعــــوري بالشـــــــــــقا    

مع حب إتبـــــدد ف الفـــــــــــضا(8)

فِكرَك لما ألقـــــــاك بيعـــــــــتـنى    

بــــــــــــعـد ما قلــــــبَك ده حَبـــــــنى

إن هــــــواك ده ح يهــــــــــــمنى   

وف يوم ح ابكــــى ع اللي مضــى؟؟

       *    *    *    *    *    *

حُبـَك ده خلاص عندى إتـــــنسي    

من أول قــــــلبَك ما قــــســـــــي(9)

ومســــير الحــــــزن والأســــــي    

يئلم ف القــــلب اللي اعــــتدى(10)

ده انا أكبر من جـــرح الزمـــــن    

وانت اللي ح تدفــع التـــــــمن(11)

لما غرامى .. لـــيك ينــــــــــدفن    

بـــعد الفـُرقــــــــة المؤكــــــدة(12)

فِـــكرَك لما ألقــــاك بيعـــــــتـنى    

بعــــد ما قـــــــــــلبَك ده حَبنــــــــى

إن هــــــواك ده ح يهــــــــــمنى   

وف يوم ح ابكى ع اللي مـضـــى؟؟

     *    *    *    *    *    *   

ـــــــــــــــــــــــــــــــــــــــــــــــــــــــــــــــــــــــــــــــــــــــ

(1) فِكرَك : هل تظن؟(2) ده : هذا . ح يهمنى : سيهمنى . ح ابكى : سأبكى . ع اللي : علي الذى .

(3) موش ح أسأل : لن أهتم . حصل : حدث . الزعل : الحزن والأسف .(4) علشان : لأنى . موش شايف : لا أري .(5)موش راح أقول لك : لن أقول لك . فين : أين؟ الوفا : الوفاء . ليّة : لي .

  (6)الجفا : الجفاء .(7) ما بقيتش : لم أعد .       واللـُقا : لقائى معك . موش عايز : لا أريد . بقي : علي الإطلاق .

(8) كفاية : يكفينى . والشقا : الشقاء . والفضا : الفضاء والمراد ذهب هباءاً .

(9)خلاص : تماماً . من أول : من بداية .

(10) ومسير : غداً . يئلم : يؤلم .اللي : الذى .

(11) ده : هذا . ح تدفع التمن : ستدفع الثمن .   

(12) ليك : لك .

ـــــــــــــــــــــــــــــــــــــــــــــــــــــــــــــــــــــــــــــــــــــــ

 (28)بــسمــــة المستـــحيل

سرقـت ضحــكة .. م الزمـــن     

بكيـت كتــير من بعـــــــــــدها

حبّيت ف يــوم من غير شجن     

والدنيا جـت لي بْســـعدها(1)

والحب مـن فرحــى سكـــــــن     

روحى اللي حـزنــى هدّها(2)

ولـْقيت لقلــبي ده .. وطــــــن    

ف عْيون سقيتنى بشهدها(3)

وجه الزمــان خـَد التمـــــــــن    

وخــَد حبيــــبتى لبـُعـــدها(4)

سرقت ضــحكة .. م الزمـــــن    

بكيت كــتير من بعــــــــــــدها

   *    *    *    *    *    *

الحب كان عــــــندى أمــــــــل      

ياما حِلمـــت بْجنتـــــــــــه(5)

والعمر كان حــــــزن وزعـــل     

عشت أشتكى من شـكـوته(6)

وف يوم مُنايا .. ما حــــــصـل     

والحب جـــي بْفرحتــــــــه(7)

لقيت زمـــــانى ده وصــــــــل     

وإدّانى ف الحـــال طعنــته(8)

فرحى ده عمـــــره ما إكتـــمل     

والدنيا حالفــــــــة بعِـندها(9)

سرقت ضـــــحكة .. م الزمــن    

بكيت كتــير من بعـــــــــــدها

     *    *    *    *    *

أنا اللي غـــنيت الهــــــــــوى    

غنوة باعيشها ف دنيــــــــتى

أنا اللي قلــبـــي ف يوم روى    

ورد الغرام من فرحـــتى(10)

مجروح ومــوش لاقــي الدوا    

والغـُربة ماليــة سِكـّتى!(11)

والقلب بالحــزن إنـْكــــــــوى    

والدمعة دابحة فْ بسمتى(12

والحب والشوق والجـــــــوى   

جنة إتـْقتلـْت فْ أرضـها(13)

سرقت ضحــكة .. م الزمــــن   

بكيت كتــــــــــــير من بــعدها

  *    *    *    *    *    *

ـــــــــــــــــــــــــــــــــــــــــــــــــــــــــــــــــــــــــــــــــــــــ

(1) شجن : حزن . جت : جاءت . سعدها : سعادتها .

(2)  اللي : الذى .   هدّها : دمرها .(3) لقيت : وجدت . ده : هذا . شهدها : الشهد : العسل . (4) جه : جاء . خد : أخذ . التمن : الثمن . بُعدها : فراقها .

(5) ياما : كثيراً .  (6) زعل : حزن وأسف . 

(7) حصل : تحقق . جى : قادم إليّا .

(8) لقيت : وجدت . ده : هذا . إدّانى : أعطانى .

(9) حالفة بعِندها : أى أقسَمَت تكون عنيدة معى .

(10) اللي : الذى . روى : سقي .(11) موش لاقي : لا أجد . الدوا : الدواء .  مالية سِكتى : أى تملأ طريقي .

(12)  إنكوى : إحترق بناره .  دابحة : ذابحة .

(13) الجوى : الحب والعشق . إتقتلـْت : قــُتلت .

ـــــــــــــــــــــــــــــــــــــــــــــــــــــــــــــــــــــــــــــــــــــــ

  (29)مــــــعـــاد حبـــــيبي

حبيـــبي مرة إدانـــــى مْعــــــاد    

مع الغـــــرام والحِـــنيّة(1)

من بعد طول فـُرقة .. وبْعــــــاد    

وخصام عيونه لعيـــنية(2)

رُحت المعاد وانا باحــــــلم بــيه    

وقلبي عمّال ينــده لـــيه(3)

لقيـــــــته بيحــــــب عــليّا ..(4)

حبــيبي مرة إدانى مْعـــــــاد    

مع الغـــــــــرام والحِنـــــــية

  *    *    *    *    *    *

صرخت من قســـــوة جرحى        

والحــــــــزن بدد لي فرحـــى(5)

معادي كان ويّا خيانتـــــــــــه        

خلانى أشوف مُر إهانتــــــــه(6)

قـُلت له ليه قلبَك بيخـــــــــون        

قلبي اللي كان بهواك مجـنون(7)

بُعدَك ده كان أرحــــم ليّة(8)

حبيبي مرة إدّانى مْعــــــــــــاد       

مـــــــــع الغـــــــــــــرام والحِنـيّة

   *    *    *    *    *    *

بص ف عيونى .. واتــــــبسّم        

من قبل دمعي ما يتكـــــــــــلم(9)

قال لي خلاص إنسي الماضـي        

قـُلت إنت غدرّك موش عـادي(10

اصبر وبكرة .. ياما ح تشـوف        

راح ييجى يوم ترجع ملهـوف(11

وتنول جـــزاء غدرَك بيّة(12)

حبيبي مرة إدانى مْعـــــــــــــاد        

مع الغــــــــــــــــرام والحِنـيـّـــــة

    *    *    *    *    *    *

ـــــــــــــــــــــــــــــــــــــــــــــــــــــــــــــــــــــــــــــــــــــــ

(1) إدانى : أعطانى . معاد : ميعاد . الحِنيّة : الحنين والحنان .(2) بعاد : إبتعاد .     عينية : عيونى .

(3)رُحت : ذهبت . بيه : به .عمّال ينده ليه : أى ينادى عليه كثيراً .(4)  بيحب عليا : أى يخوننى في الحب مع شخص آخر .(5) بدد لي : أضاع لي .(6) معادى : ميعادى .ويّا : مع . خلانى : جعلنى .أشوف : أرى .

(7) ليه : لماذا؟  اللي : الذى . (8) بـُعدَك : فراقك . أرحم ليّة :أهون عليّا . (9) بص : نظر . إتبسّم : إبتسم.

(10) خلاص : إنتهى . موش عادى : غير عادى .

(11) بكرة : غداً . ياما ح تشوف : سوف ترى الكثير في حياتك . راح ييجى : سوف يأتى . ملهوف : مشتاق .

(12) تنول : تنال . بيّة : بي .

ـــــــــــــــــــــــــــــــــــــــــــــــــــــــــــــــــــــــــــــــــــــــ

   (30)نهــــــاية الظـــــلم

العالم راح يفـــــــــنى قـُريّب   

من كـُتر الشــــر اللي ماليه(1)

والخير بقي فيه شئ يتـــعيّب   

واندبح الديــــــن كله .. فيه(2)

كل الناس بيحاربوا ف بعض   

زرعوا الغِل سنـــين ف الأرض

فرضوا الظلم ده بينهم فرض   

والشيّطـــــــــان جنـّدهم ليه(3)

العالم راح يفـــــــــنى قـُريّب   

من كـُتر الشـــر اللي ماليــــــه

   *    *    *    *    *    *

الأخلاق والعمل الصــــــــالح  

أصبحوا ف الدنيا دى محال(4)

بقي عصر مصالح ف مصالح  

والناس عبدوا ف يوم المال(5)

والغش ده أصبح قانــــــــون  

بيسيطر  ع الناس والكــون(6)

والإنسان بقي فيه مجـــــنون  

بالغـــــــــدر وبينــــــادى عـليـه

العــــالم راح يفــــــنى قـُريّب  

من كـُتر الشـــــــر اللي مـاليـــه

  *    *    *    *    *    *

الناس حرقوا الحب ف يــــوم    

بالغِل ونـــــاره .. ف قلوبــــــهم

والإحسان أصبح معـــــــــدوم    

والقسوة .. علي طول تغلبهم(7)

والرحمة إتـْقتلت  ف النـــــاس    

مات فيهم حتى الإحــــســاس(8)

أصبحوا يوم عايشين وخلاص    

من غير قلــب يحســوا .. بيه(9)

العــــالم راح يفــــــــنى قـُريّب    

من كـُتر الشــــــر الــلي مالــــيه

    *    *    *    *    *    *

الخير بقي ف الدنيا غريــب    

مالهوش ولا أحباب ولا بيت(10

والشر صبح أغلي حبـــيــب    

لنفوس أصبحوا بيه توابيت(11)

بقوا لليأس ف يوم أشبـــاح    

خلـّوا حياتهم شقا وجـــراح(12)

رسموا الحلم ف كل صبــاح    

دمعة بتبكي ف عــين أمانـــــــيه

العالم راح يفـــــــني قـُريّـب   

من كـُتر الشـــــر اللي مالـــــــيه

     *    *    *    *    *    *

ـــــــــــــــــــــــــــــــــــــــــــــــــــــــــــــــــــــــــــــــــــــــ

(1) راح يفنى : سوف يفنى . قـُريّب : قريباً . من كـُتر : من كثرة . اللى ماليه : الذى يملأوه . (2) بقي : أصبح . يتعيّب : أى أصـبح عيـــباً . إندبح : ذبح .

(3) ده : هذا . جنـّدهم ليه : أى أصبحوا جنوداً له .

(4)  دى : هذه .  محال : مستحيل . (5) بقي : أصبح .    (6)  ده : هذا .   ع الناس : علي الناس .

(7)  معدوم : منعدم .  علي طول : دائماً .   تغلبهم : تهزمهم . (8) إتـْقتلت : قـُتلت . (9) عايشين : يعيشون . وخلاص : فقط . يحسوا بيه : يشعروا به .

(10) بقي : أصبح . مالهوش : ليس له .

(11)صبح : أصبح . بيه : به . توابيت : المراد موتى .

(12) بقوا : أصبحوا .   خلـّوا : جعلوا . شقا : شقاء .

ـــــــــــــــــــــــــــــــــــــــــــــــــــــــــــــــــــــــــــــــــــــــ

                 (31) لحــــظة لـُقـــا*

يا حبيبي .. خـُدنى لـيك   شوق عينـــــيك بيـــنادينى(1)

طال فـُراقنا ..واشتياقنا   كل يـوم بيـــــزيد حنـــــــــيني

مستحيل أنســـي هواك   وانسي حُضــنـَك يوم لـُقاك(2)

قلبي ده عايش معـــاك   ده انت أجمل شئ ف عينى(3)

يا حبيبي .. خـُدنى لـيك   شوق عيـــــــــنيك بيـــــنادينى

              *    *    *    *    *    *

الحياة دى تســاوى إيه     غير ثوانى بْتبقي جنـــبك(4)

والغرام ده بالقي فيــــه    أحلي جنة تكون ف قـُربك(5)

والحنان اللي فْ عينيك     بالقي فيه فرحة حـــياتى(6)

والبعاد لو طال علــــيك     يشكى شوقى..من أهـاتى(7)

              والحـــــنين بينـَك وبيـــــــنى

يا حبيبي .. خـُدنى ليـك     شوق عينــــــــيك بيــــنادينى

               *    *    *    *    *    *

يوم ما ينده ليّة شــوقـَك       يملا شط الدنيا سحرَك(8)

والقي ليلي ..فيه شروقـَك     يملا قلـــبي ده بفجرَك(9)

ده انت عندى..أحلي بسمة    تبتـــسم فيها الحيـاة(10)

وانت ليّة .. أعلي نجمـــــة    قلبي فيها ينول مُناه(11)

                  لما قلبَك ده يجيـــــــنى(12)

يا حبيبي .. خـُدنى ليــــــــك    شوق عيـــــنيك بينادينى

                   *    *    *    *    *    *

ـــــــــــــــــــــــــــــــــــــــــــــــــــــــــــــــــــــــــــــــــــــــ

*لـُقا : لقاء .(1) خـُدنى ليك : خـُذنى إليك .    

 (2) لـُقاك : لقائك . (3) ده : هذا . عايش معاك :يعيش معك (4)دى : هذه . تساوى إيه : تساوى ماذا؟ بتبقي جنبَك : تكون بجانبَك .(5) ده : هذا . بالقي : أجد . قـُربَك : جوارك . (6) اللي : الذى . (7) البعاد : البُعد والغياب . آهاتى : شكوتى من آلامـــــى .

(8) ينده : ينادى . ليّة : لي . يملا : يملأ . شط : شاطئ .

(9) القي : أجد .(10) ده : هــــــــــــذا .

(11) ليّة : لي . ينول : ينال .(12) يجينى : يأتـــينى .

ـــــــــــــــــــــــــــــــــــــــــــــــــــــــــــــــــــــــــــــــــــــــ

        (32)إنـــــتَ وبـــــس

إنت وبس اللي أنا حبــــــيتـُه  

إنت سكـــــــــنت القلب لوحدَك(1)

حُبـَك بـــــــس اللي إتمنــــيته  

ولا قبلـَك عندى..ولا بـــــــعدَك(2)

إنت وبس اللي أنا حـــــــبيتـُه 

إنت سكـنــــت القـــــلب لوحــــــدَك

  *    *    *    *    *    *

إنت الحـــــلم اللي باعيش فيه     

وانت الشــــــوق اللي افــــرح بيه(3)

وانت فؤاد الحـــــب مالـــــــــيه     

كل حــــــــــنان الدنــــيا دى عندَك(4)

إنت وبس اللي أنا حــــــــــبيتـُه    

إنت سكـــــــــنت القلــــــب لوحـــــدَك

       *    *    *    *    *    *

أحلي غرام ف الكون ده غرامِك    

عطر الحــب ف همـــــــــس كلامَك(5)

أنا أغنـــــــــية شــــــوق قـُدامَك    

عمرى مااعيش يا حياتي ف بـُعدَك(6)

إنت وبس اللي أنا حبـــــــــــيتـُه    

إنــت سكــــــــنت القــــــــلب لوحــــدَك

       *    *    *    *    *    * 

حُبـَك عندى حياة الــــــــــروح        

قــــــــلبي إلــــــيك دايماً مفتـــــوح(7)

قول لي أنا فين من حُبـَك أروح       

ده أنا قلبي ح يطـــــــير وح ياخدَك(8)

إنت وبس اللي أنا حبــــــــــيتـُه       

إنت سكــــــــنت القــــــلـب لوحـــــــدَك

         *    *    *    *    *    *

جنة عمرى باشوفها معـــــــاك       

قلــــــــــــبي بيضـــــــحك لما ألقاك(9)

أجمل شئ ف الدنــــــــيا هواك       

ح افضل أصون ف الحب ده عهدَك(10

إنت وبس اللي أنا حبـــــــــيتـُه       

إنت سكــــــنت القلـــــــب لوحــــــــدَك

         *    *    *    *    *    *

ـــــــــــــــــــــــــــــــــــــــــــــــــــــــــــــــــــــــــــــــــــــــ

(1) إنت وبس : أى أنت فقط . لوحدَك : وحدَك .

(2) اللي : الذى .

(3) اللي : الذى . باعيش : أعيش . بيه : به .

(4)   فؤاد : قلب .   ماليه : يمــــــــلأوه .   دى : هذه .

(5) ده : هذا . (6) قدامَك : أمامَك . ف بـُعدَك : في البــعد عنك. (7) دايماً : دائماً .

(8) فين : أين؟ أروح : أذهب . ده : هذا . ح يطير : سيطير . ح ياخدَك : سيأخذك معه .

(9) باشوفها : أراها . معاك : معك . ألقاك : أقابلـَك .

(10) ح افضل : سوف أظل .  أصون : أحمى وأحـفظ .

ــــــــــــــــــــــــــــــــــــــــــــــــــــــــــــــــــــــــــــــــ

                  تم الكتاب بحمد الله.

***حقوق الطبع والنشر والملكية الفكرية محفوظة للمؤلف بدار الكتب والوثائق القومية المصرية كما تم توثيق الكتاب بمكتب الشهر العقارى بالإسكندرية.

ـــــــــــــــــــــــــــــــــــــــــــــــــــــــــــــــــــــــــــــــــ

 أغانى وأزجال الكتاب

(1) الإهــــــــــــــــــداء .                

(2) لحــــــظة سعــادة .

(3) إغتــــــيال قلــــــب .                

(4) ما تفكــــــــــرشي .

(5) شحـــــنات الغــرام .                

(6) الوهـــــم الســــعيد .

(7) وفـّر عواطــــــفـَك .                

(8) موش ح اقدر أكمّل .

(9) عاشـــــــق الوهـــم .               

(10) فجــــــر الرحـــمة .

(11) خيرها ف غيرها .               

(12) صـــــــــــــــــــبـّح .

(13) أمرَك ما يهمنيش .               

(14) إغتـــــيال .. بيـــئة .

(15) عيونـَك حيــــاتى .               

(16) آه مـــنـَك ياناسينى .

(17) أحـــلي كـــــــدبة .               

(18) مصــر الحضـــارة .

(19) نبــــــــع الحـــب .               

(20) نســـــــــــــــــــيتِك .

(21) إتحــــــــــــــدانى .               

(22) شيـــــزوفرانــــــيا .

(23) حُكــــــــم الدنـــيا .               

(24) خطـــــــفتى قلــبي .

(25) قلـــــبَك بغــــزالة .              

(26) إصــــحي يانايـــــم .

(27) الفـُرقــــة المؤكدة .              

(28) بســــمة المســتحيل .

(29) معــــاد حبــــــيبي .             

(30) نهــــــاية الظـــــــلم .

(31) لحـــــــــــــظة لـُقا .             

(32) إنــــــــــت وبـــــس .

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ 

***مؤلفات الأديب / جمال البيلي المنشورة حالياً في مدونات (آداب خالدة):

(1) جـــــنة الزيــــــف  (  ديــوان شــــــــعر ). 

(2)عــــــودة الأمــــس (مجموعة قصـــصـية). 

(3) أغنــــية حـــــــــب (ديوان أغاني وأزجال). 

(4)زهرة من الجنة ( ديوان أغـــــاني وأزجال). 

(5)بستان العشق  (ديوان أغـــــــــاني وأزجال). 

(6) جنة الحب (ديوان أغاني وأزجال للأطفــال). 

(7) إغتيال قلب  (ديوان  أغـــــــــاني وأزجال ). 

(8)  المرجيحة  (ديوان أغــــــــــــاني وأزجـال). 

(9) العاشق الكذاب (ديوان أغــــــــاني وأزجال). 

(10) أزاهـــير المـــــسرح (مســــــــــرحيـــــات). 

(11) مختارات من أجمل مؤلفات الأديب / جمال البيلي. 

***ويمكنك الآن عزيزي القارئ قراءة كل هذه المؤلفات باستخدام الرابط التالي:

https://plus.google.com/u/0/112674594392432263256#112674594392432263256/posts
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

مدونات الأديب / جمال البيلي في التصوير الفوتوغرافي والفنون التشكيلية;ـ
 Blog 1 : Global Images (1) : with the images of Istanbul trip (part 1
Blog 2 : Global Images (2) : with the images of Istanbul trip (part 2
Blog 3 : Global Images (3) : with the images of Nepal trip (part 1
  Blog 4 : Global Images (4) : with the images of Nepal trip (part 2
 Blog 5 : Global Images (5) : with the images of Nepal trip (part 3
 Blog 6 : Global Images (6) : with the images of Malaysia trip (part 1
 Blog 7 : Global Images (7) : with the images of Malaysia trip (part 2
 Blog 8 : Global Images (8) : with the images of Malaysia trip (part 3
 Blog 9 : Global Images (9) : with the images of Malaysia trip (part 4
 Blog 10 : Global Images (10) : with the images of Malaysia trip (part 5
Blog 11 : The Poet / Gamal Elbialy blog in arts

Blog 12 : Around The World (1): with the images of The Poet / Gamal Elbialy trips around the world (part 1

Blog 13 : Around The World (2): with the images of The Poet / Gamal Elbialy trips around the world 

(part 2

Blog 14 : Around The World (3): with the images of The Poet / Gamal Elbialy trips around the world (part 3

Blog 15 : Around The World (4): with the images of The Poet / Gamal Elbialy trips around the world (part 4

Blog 16 : Around The World (5): with the images of The Poet / Gamal Elbialy trips around the world (part 5 

ويمكنك الآن عزيزى القارئ قراءة كل هذه المدونات باللغة الإنجليزية بإستخدام الرابط التالى:_
https://plus.google.com/u/0/112674594392432263256#112674594392432263256/posts
ـــــــــــــــــــــــــــــــــــــــــــــــــــــــــــــــــــــــــــــــــــ
مؤلفات الشاعر/ جمال البيلي المترجمة من اللغة العربية إلي اللغة الإنجليزية والمنشورة حالياً في مدونات (آداب خالدة) باللغة الإنجليزية:ـ
 Blog 1: Immortal Literatures (1):with book (Paradise of Falsity) (Poetry book).

Blog 2: Immortal Literature (2):with book (love Song) (book of songs and colloquial poetry).

Blog 3: Immortal Literatures (3):with book (Assassination of Heart) (book of songs and colloquial poetry).

Blog 4: Immortal Literatures (4):with book (The Swing) (book of songs and colloquial poetry).

Blog 5: Immortal Literatures (5):with book (The Liar Lover) (book of songs and colloquial poetry).

ويمكنك الآن عزيزى القارئ قراءة كل هذه المدونات باللغة الإنجليزية بإستخدام الرابط التالي

https://plus.google.com/u/0/112674594392432263256#112674594392432263256/posts

ــــــــــــــــــــــــــــــــــــــــــــــــــــــــــــــــــ

  ***ملحوظة هامة : ترسل جميع الرسائل والتعليقات علي عنوان البريد الإلكترونى للمؤلف وهو:

  gamalelbialy@rocketmail.com

وسيقوم المؤلف بالرد عليها بنفسه في أقرب وقتٍ ممكن .